ف محرابك

[حواليكم]

ف محرابك فوادي اعتكافه
وحبك حبكته كنه خرافه

سنين أمشي ف دربك ما وصلتك
وغيمك ما حضن أرضي نفافه

على واديك أستسقي و أصلي
ولا اهديتي لنا الا جفافه

سنابل ماضي الاحلام يبست
وما لي م الدهر إلا عجافه

صلب همي على صدري و ذنبي
بعادك ما قدر قلبي احترافه

ترى هالكون بك ولا بدونك
مثل ليله و نهاره اختلافه

صراعي ل عرش قلبك مثل نشوة
بني العباس ل قصور الخلافه

لأنك تحجبي كل الكواكب
شعوري عند بابك إصطفافه

عيونك أجمل من عيون كانت
م بين الجسر و أطلال الرصافه

حروفك صارت ف شعري تشابه
خبر حصري تصدر ع الصحافه

عجزت أكتمه حبك لو كأني
سجين ن ينزع بسوط إعترافه

وحبري غيرك انتي كيف يقصد ؟!
وحولك جيش فكري التفافه !!

زرعتك ...والثمر عني تساقط
قبل لا يقترب موسم قطافه

اشوف النهر لكن ما اطوله
انا ضامي و واقف في ضفافه

أمني النفس لو حتى بنظره
قبل لا يبلغ العمر إنتصافه

غديتي كتاب وحده في رفوفي
ولكن ما قريت الا غلافه

تعالي و اشرحي أسباب بعدك
وهدي البال حتى بعذر تافه

لذاك الحين ...ع الجمر إنتظاري
ل صبح يوجه ل كوني إنعطافه

ولكن .. إحذري شروقك يطول
أخاف الصبر يعلن إنصرافه ...


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/~moeoman/vb/showthread.php?t=551659&goto=newpost)