سالفة ذكرى ~~

[حواليكم]

كلمات بسيطة اتمنى أن تصل إلى ذائقتكم ...




سالفة ذكرى...
__________________


واتذكر...
يخاطبني حديثك
وأنا الموهون لا اكثر...
ويجي صوتك
يختلس كل الوجع
واتذكرك لما تقولي
إن الزمن واقف عليك
وياما فؤادي يحتريك
يخالجني شعور الفقد
وأنا العطشان لأهدابك
ولو صدفة على بابك
ياقلبي مـــن رحلت
وأنت داخل ما رحلت
خذيت احلامي العودة
وبقــتْـلي قصة العَوْدة
ولا يمكن لهذا العمر
يطوي قصة أشيائك
وأنا اصلا من أشلائك
وف غيابك
اظل احْرِث
بقايا الوقت
وماجابك!!
اناظر هالطريق بعـــــــــيد
المح بأخره نورك
يطمْأني عن حضورك
واتذكر ...
بعد هذا
ويتعكر
حديثك
ويتحول ويتأول
وتجي من غير ميعادك
تقول إن الزمان يدور
ولا تسأل عن المستور
قدر يومك يضمك
واتمنى أنا مااكون
همك
وانا آسف إذا في يوم
ضايقتك...
إيــــــــــه راحت!
وأنا الملهوف
لا أكثر..
ياقصةْ بأولها فرح
وآخرها ترح
كذا هو الحب
أول بدايته دفا
وآخر نهايته شقى...
وفجاءة تجي امي
وتقطع سـالفة ذكرى
تقول :وليدي
لاتشقى
وخل الجرح متيبّس
مصيره مع مرور الوقت
يبرى ...



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/~moeoman/vb/showthread.php?t=551768&goto=newpost)