توظيف ام تويه ؟؟

[مسافر بلا عنوان]

بسم الله

توظيف ام تمويه ؟؟

الى متى يا وزارة القوى العاملة يستمر هذا الفشل ؟؟
موضوعي ان قبل 4 شهور تم تعييني بوظيفة معينه
وكنت اتسلم الراتب مال 150
وتفأجأت انه انقطع عني وانا بعدي ما اشتغلت
والشروط تقول انه الشخص اللي بيتوظف بيقطع عنه الراتب
ولكن يصرف له لمدة شهر عند التوظيف ..
ولكن ما شفت شي لا من الوظيفه اللي تعينت ولا من ال 150

االموضوع الاخر
ان كل يوم الصباح وزارة القوى العاملة تتصل فيني وفي غيري
ويبغون بيانات عن اسامي بنات ما لنا صله فيهم وكل مرة يطرحون اسم
ولما نسألهم شي يسكرون الخط بوجهنا
الحين معقوله تدورون بيانات عن اشخاص مسجلين ف الوزارة
عيل وين راحت بياناتهم ؟؟
ولما نتصل فيه ما يردون ابدا وبعد يقولوا خط ساخن ههه
شو اللي صاير بهالوزارة نبى تفسير منطقي ؟؟

[اللواء]

لعبة بن عمك لعبة

مصخرة مستوية

[أميرة مسندم]

الله المستعان اخوي
وبعد متصلين فيي مرتين كذا يبون بياناتي
وكل مرة مثل الاسئلة
المشكله انا هذولا ما احد يعرف عن سواياهم :icon8:

[alriyami9boy]

الظاهر ما عندهم شغل قالو بنتسلى شوي بالأتصالات
الله يعينك ويعين الشباب الباحث عن عمل
احيانا ما أستوعب ان أحنا في 2011 وعلى مشارف 2012
الله كريم خويي

[الكبريت]

حبوب انا اتصلت فيهم القوى العاملة كنت بستفسر حولوني ع النقليات كان هالموظفين يدفعوا للمواطنين من رواتبهم واذا عطوا الكل هالمنحة هم شو بيبقى لهم عسب ياكلوه

[غلووويه]

ترا محد يتصل فيهم في مسقط
الكل ساكت ومحد يرمس
ليش خايفين مثلا
وينكم عنهم
ماينفع تنزل موضوع هني وبس
لازم الواحد يسير لهم هناك مسقط اذا تبا حقك اونه
جيه يقولون
لان اللي في مسقط مايدرون عن اللي هني وسواياهم
وبعد شو يقولون لاتسوين مظاهرات
ليش ونحن ماشفنا منهم شي
القليل بس توظفووو
والقليل منا اخذ راتب
وناس من زمان عندهم شهادات ومحد مسوي لهم سالفة
وبعد يضايقون يوم يشوفون بعض الشحوح سارو للامارات
من زين الوظايف اللي نشوفها ومن زين اتصالاتهم وشغلهم
كل شي بايخ ويرفع الضغط

[غلووويه]

هههههههههههههههههههههههههههههههههههههههههههههههههه ههه
اونه شو الموظفين يدفعون من رواتبهم
حوووووو نش نش
شو بعد موظفين يدفعون من رواتبهم
ها قرار من السلطان
وبعدين منوه خبرك ان الحطومة فقيرة هاااااا
من عندك تيب رمسه
تحمل ترا وراها مسؤوليه هالكلمة
يقولون لك اغلى بلد وافقر شعب
تقولي حكومه فقيرة
لاتناقش هالامور اللي ماتعرف عنها شي
والصراحة في ناس وايد سار عند الوزارة فمسقط وقالو المشكلة عندكم هني
يعني ماشي اهتمام واللي يبا ياخذ حقه بياخذه
بس شو نقول ع حكومه ظالمه
اونه فقيرة
وموظفين
شو هالخرابيط

[الكبريت]

الله يعينج مدام تعرفي كل هذا ليش تردي:icon8::icon8::icon8:

[بنت البحر]

حسستوني صراحه

محد ميت من الجوع الحين :icon8:

[الحزين دوم]

الله يصبرنا على الحاااااااااااااااااااااال

[غلووويه]

ههههههههههههههههههههههه
انا ارد ع الموضوع
وعيل منزلين موضوع ليش بالله
والاخت الحلوة يعني نحن شكينا الحال ع انه جوع
ناس تبا حقها
وناس تبا تعرس
يعني ناس وراها مسؤولية
وتقولين لي محد ميت من اليوع
الناس اللي ماتعرف ترمس رجاء يعني لايرد هنيه
صمتكم من ذهب احسن
وهاللي تعودنا عليه
جي الحكومه تقص ع شعبها
بسبب الصمت

[غلووويه]

يا عالم نحن نتكلم عن حق
مانطالب الا بحقوقنا
يعني مايخص الجوع
وايد شباب عزابيه وصلو بعمر فوق ال 30
لين الحين ماشي وظيفة
يعني من وين له البيزات عسب يعرس ويكون اسرة
حتى صندوق زواج ماشي
وبعد تقولي شو حسستوني
بشو حسستج اختي

[عبدالله الكمزاري]

كلهم نفس الشاكلة
اللي هني يقولون لك روح مسقط: السبب من مسقط
واللي في مسقط يقولون لك المشكلة من عندكم
والمساكين رايحين جايين لين ما يخلص فلوسهم بعدين يسخون يروحون بحر وما يتفيقون للكلام
اللي يبا يشغلك يجيك للبيت ويقولك تعال خذ الوظيفة
شوف العالم من حولنا اللي احنا نسويه هم ما يسون عشره علشان يحصلون ع وظيفة

[غلووويه]

الحمدلله اسلوبنا ماعليه زود

بس يوم تشوف وحدة ولا واحد يقول رمسه مب حاس فظروف غيره
شو يبا هالواحد والوحدة

وهاللي نحن نقوله
يعني وحدة تشوف حياتها مرتاحه فيها
ماعندها اخوان تخاف عليهم من العزوبية مثلا
او انها ساكنه فبيت ملكها ماراح تحاسب ع الاجار
ولا راح تهتم بمصاريف اهلها

هاي وحدة بتقولك حسستوني محد ميت من اليوع
نحن نطالب بحقنا ومن واجبهم يبلون لنا كل حقوقنا