اخر الايام

[حواليكم]

بكيت بعدك لين حزني بكاني
واصبحت في الدنيا بليا هوايات

يالغاليه مدري علامه زماني
يبغاني انسى مامضى واللذي فات

والله ماانسى ذكريات الاماني
وذكريات المدرسه والمعانات

في حصة التعبير كم كنت اعاني
وتكتبين تعليق من عدة ابيات

واضحك عليك بصمت وادعي عساني
فدوة صديقة غربتي والبدايات

وبالفصل اذكر كنت مبغى مكاني
ابغى اكون بقرب اغلى الصديقات

واقول :: يأبله دخيلك هذاني
فديتك استاذه ماابغى الاخيرات

واتعلل اني مااشوف المعاني
ولااشوف اللي انكتب والعبارات

ليتك اخذتي ذكرياتك عشاني
وباقي اغراضك وحتى المسجات

يالغاليه حزني وضح للعياني
يسكن بداخل عزلتي والكتابات

صديقتي تبقين بأقصى المحاني
وذكرياتك ساكنه في الممرات

ياالغاليه طيفك يعيش بكياني
هيهات يتركني وهو داخل الذات

من يوم غادرتي وحزني لفاني
ماعد يفارقني ولو بس لحظات

آواه ياذكرى وهمآ دعاني
بدري اعيش بحزن وابدأ النهايات


ثلاثه وعشرين وهمي غشاني
من شافني يقول اكبر بلا اثبات

ياليني مااحس همآ شكاني
ولا اذكر الماضي ولاهل عبرات

وياليت ياحزني تغادر ثواني
واقول ياقلبي مافات هو مات

يارحمة الله ارحمي طيف جاني
يعيش داخل قلب عايش متاهات

ياالله عساها فوق بأعلى الجناني
وعسى حياتي تنقلب للمسرات


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/vb/showthread.php?t=576541&goto=newpost)