"بـَـس كـآفـي يآزمآنـي مآبقى فـَـيني بـقآيـآ "

[غرشوبة البحر]

!!

http://www.algunaibi.com/vb/icon/62.gif

مدخل"

بس كآفي يازمآني
مآبقى فيني بقآيآ
أرحم احسآسي وأرحم
روح تسكــن في سماياآ


آآآخ
يا آلم يسكن " خفوقي " من زمان
ياوجع عيى يفارقني ويروح
ياعذابي يا اكتئابي
يادموعي الوافيات

يازماني تكفى ارفق
شف قليبي عيى يرقد
شف حياتي كيف صارت
من عذاب لـ ِ عذاب


يعني مابالدنيا غيري ..؟!
يعني هذا هو مصيري ..؟!
يعني استاهل قساك ..؟!

بس يكفي ماحصلي
" جروحي "ملت النزيف
ودها تنزف وتنزف
بس " دمي " انتهى

لــِ متى ..؟!
بس ابعرف لـِ متى ..؟!
ودي اعرف لك نهايه
او نستمر بهالعنا ..؟!

عادي قلي بالصراحه
يازماني ..
ناوي تقتلني


و تنهي هالعنا ..؟!
ودي اعرف لجل ارتب كل شي

ارمي" افراحي " وراي
واستعد للأسى
واطفي انوار الامل
واشعل شموع " السهر "
واحترق على مهل





شفت شلون صرت انا
وصار قلبي من ورق
اقصد صار من الحديد
لو تحطم وانكسر
يرجع وحده يلتحم
ويتحمل الوان العذاب
من قساوه او ظلم
لين يوصل للنهايه
والاكيد
ان النهايه فيها موت

" يازماني " من وعيت وانتا كذا
يومني طفله صغيره
قالوا بكره تكبرين
وتعيشي افراح ٍ كثيره
وقالوا والله " بتضحكين "
بس هذا لا كبرتي

وهذا انا والله كبرت
وماتغير أي شي
كل يوم يروح يوم
وانا بـ أحزني انوم

وتعدي الايام عادي
ومايحليها " حلا "
ومن مراره لـ ِ مراره
وكل غصن ٍ انحنى

لين امس ..
في وسط " ليلي " الكئيب
و جوّه الهادي " المريب "
فز قلبي من وسط نومي




صرختي هزت كياني
بس كافي " يازماني "
حتى احلامي مخيفه
وكل ايامي " سخيفه "





وش اسوي ياقليبي
والله مابيديني شي
لا ضحكت اشوف " حزني "
يبتسم لي من بعيد
كأنه اللي يقول لي
انا راجع لك اكيد

وش اسوي ذا القدر
ولازم اكون من حجر
واتحمل واتصبر
لين بلحظه انفجر ""

واتبعثر من هنا لـ ِ هناك
واوصل لأخر مداك
ووقتها ..
مايلملمني احد

ماتلملمت بحياتي
حتى التم " بشتاتي "
وهذا ذنبك يالقدر
والجزا على زماني
مانصفني ولا حماني
الين مت من القهر









مخرج "

مشكور والله يازمآني
انهيت فيني كل شي
خليتني اتمنى الموت
حتى وانا بعدني حي

دمتم بـود ..
http://www.algunaibi.com/vb/smil/do7a%20(27).gifhttp://www.algunaibi.com/vb/smil/do7a%20(27).gif

[دمعة احساس]

ارمي" افراحي " وراي
واستعد للأسى
واطفي انوار الامل
واشعل شموع " السهر "
واحترق على مهل

شكرا غرشوبة البحر ع الخاطرة
بس الحياة امل وفرح
مهما طال الحزن
اجمعي افراحك واشعلي شموع الفرح

[غرشوبة البحر]

تسلمين دمعة احساس ع المرور والنصيحه الحلوه

لا هانج الرب ولا يحرمني من طلتج الحلوه ^_^

[قصيد]

يسلموووو خيتي ع الكلمات الرائعة

[بلسم]

كلمات حزينة جدا جدا جدا... هع



ولكنها جميلة .. بما أنها من غرشوبة البحر ..




سلمت يداك ..



ننتظر إبداعك ^_^




نبراااس

[فتى الجادي]

تسلمين على الخاطرة غرشوبه البحر

[غرشوبة البحر]

يعطيكم ألف عافيه ع المرور الكشخ

قصيد ونبراس العربيه وفتى الجادي

الله لا يحرمني من طلتكم الحلوه ^_^