يــــــــــــــــــــــــا حزن

[حواليكم]

يا حزنصرت لي عناويني
ما تبي غير قلبي اللي مخاويه؟

ساكنٍ وُسْطِ دمي وشراييني
ومستحوذٍ على وِرِيده ومِجَاريه

حَدْبَ الضُلُوع تشتكيك وتشتكيني
وما فاد العتب ولا فاد المشاريه

ولانَك على سجات الخلاوي مخليني
ما كَنْ بالبشر غيري تجاريه

كِلِّما نخيتك يا هاجسي تعنيني
تاقَف مع الحزن كنك مِحاميه

ما لومك يا ألم آهٍساكنة فيني
ذكرى قديمة تسوقه وحاديه

ذكرى وِلِيفٍ زوله مِباريني
غزيرِ جرحه عيَّا الزِمن يشافيه

هقاوي الفرح خايبة تجيني
ِحِيث إن الفكر طِرِيد طاريه

يا حزن تكفى دخيلك تخليني
وما مضى يا قلب طلبتك تواريه

إرحل لي حياةٍ تمنيني
ومن هُو لقلبي دايم يداريه

بدر بن سعيد الغافري (عاشق الغروب)



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/showthread.php?t=586764&goto=newpost)