نكران !!

[حواليكم]

قصيدة .. نكران ..
تعال اسمع فوادي صار يشكي للملا مكره
بعد ما رحت من أرض الوله هالكون يبكيني ..
حبيبي اللي تمنيته هدى لظهر الوفاء غدره
تركني والندم من بعد طعم الحب كاويني ..
تركني بعد ما اعمى عيوني زيفه وسحره
رحل والهم من بعده ف صيف العمر حاويني ..
ألا يا ويل حالي كل ما زار الفكر ذكره
تأملت الأماني الغابرة وياه وسنيني ..
تذكرته .. ولكني عرفت أن الفرج بكره
يبيد الجرح لين يموت ما بينه وما بيني ..
واجدد ثوب ايامي ويرجع للورد عطره
وانسى كل هم كان في عالمه يشقيني ..
مدام الغدر هالأيام أصبح في الملا فطره
خلاص الحب ودعته بغيرها عناويني ..
أنا رغم الألم والجرح يا عالم على فكره
قويه ما يركعني جفا والله يغنيني ..
أنا العطر اللي يحضن خدود الورد والمهره
عجز من ذا يروضني على ما كان يبغيني ..
ومن ذا اليوم بعلنها حقيقة لساعة السكره
خلاص الحب ودعته ومات اللي نبت فيني ..


راااايكم .. يهمني
ومروركم شرف لي !!
صورة مرفقة http://forum.moe.gov.om/attachment.php?attachmentid=113526&stc=1&d=1422511020



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/showthread.php?t=615659&goto=newpost)