في أمان الله !!

[حواليكم]

في أمان الله يا مقفي وسكر من وراك الباب
تراني غاسل كفي ما عاد يهمك غيابي ..
اذا ما هزتك دمعة حنيني وكلمتين عتاب
يا كيف تهزك الذكرى وماضي الود في كتابي ..
هويتك يا منى عمري وسطرت الغلا بكتاب
كتبتك قصة ما تنتهي يا صفوة أحبابي ..
وصبيت المشاعر لجل تهنى بلذة المشراب
ولا حثلت مشاريب الغرام وأنت أدرى بي ..
عشقتك عشقي ل[سمحة] سلالاتها من الأطياب
وعشق الشيوخ أصدق من الغمام وديم السحابي ..
عمت عيني عن العالم أشوف الناس ذي أغراب
ما غير عيونك أوطاني وطيفك كحل أهدابي ..
وسامرت الليالي المظلمة وضوء القمر ما غاب
أسولف له عن أوجاع السنين وخل عيا بي ..
ولا أدري ليه تنساني وتجفاني بدون أسباب
وأنا لا غبت عنك يوم جيت أشرح لك أسبابي
ولا قصرت في حقك عطيتك ما حسبت حساب
وانته تشمت العذال فيني وتفرح أصحابي ..
أنا يا جاهل قدر المحبة وقيمة الأحباب
لك المسكن شراييني تحول بي وترقى بي ..
وجازيت الوفاء مني بضربة مخلبين وناب
لك الله كل حسناتي ما سوت بك ولا الهابي..
تعبت ركابي لوصلك ولا مرة شكيت أتعاب
ولكن بعد هذا اليوم عنك تقصر ركابي ..
يقولون العشق غلاب وأنا أقول الجفا غلاب
يقولون الجفا خنجر حفا وجروحه عطابي ..
أشوف الحظ يبتسم في وجهه الخائن الكذاب
وفي وجهي أنا بالذات حظي كشر النابي ..
أنا يا الله رجيتك والرجاء بك يا ولي ما خاب
تجنبني الدروب الضيقة وطعنات أقرابي ..
ولا يا مقفي وتحسب إني بدق الباب ؟!
أنا اصلا قبل تجفي .. في وجهك قافل ابوابي ..





رايكم مهم ..


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/showthread.php?t=615881&goto=newpost)