& مهمــا قلت ومهمــا قيل &

[حواليكم]

(محاولتي الأولى بالقالب العامي )
أرجو أن تنال استحسانكم ,,,

كم أحن للأزقة
وسط حارة
للبراءة
للبسمة الخجولة
للطيش الجميل
وكم أحن للطفولة
كنت فيها مبتسم
والفرحة علي ترتسم
كنت أسرح للبعيد
وأحلم بالحلم الجديد
و إني لو في يوم كبرت
راح يصير لي شأن كبير
وإني مثل هالبشر
أقدر أجري
دون عائق
وإني لو عزمت أسابق
ما لحقني أي أحد
حتى صادق
ومهما حاول
ما يجاوزني جيش طارق
و في غفوتي كنت أحلم
وكنت أضم حلمي الوديع
خائف عني يوم يضيع
وهو يوم عن يوم يزيد
وكنت أسال يا ترى
هل من مزيد ؟
ومرت الأيام
وتاليها السنين
وشب عودي
وما عدت
بالحجم الصغير
بس ليتني
ما كبرت
ما كبر مني غير الجسد
والحلم أضحى هزيل
وصرت أعرف أكثر
وصار همي بعد أكبر
والغموض إلي لفني
أصبح واضح
للقريب وللبعيد
وانكشف سر
نظرة كل عابر
نظرة الشفقة
لأني شخص عاجز
وإني لو حلمت
أصير مثلهم
صار بيني وبينهم
مليون حاجز
ولو حاولت أنسى همي
وأنخرط بين الزحام
لاحقتني عيون هالأنام
تتبعها كلمة حراااام
هذا معاق يكسر الخاطر
مادروا هالكلمة حيل تكسر
والكسر من هالنوع
لو نحاول نجبره
ما ينجبر
بس أعلمك يا من تعاير
وتهمس بالحكي والتغامز
مهما قلت ومهما قيل
ومهما غيبت تأنيب الضمير
راح أسقي الحلم الكسير
وأجعل له صوت هادر
ما يهزه بركان ثائر
لين أصير مثلي مثلك
واطوي كلمة مستحيل


ودي


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (http://forum.moe.gov.om/showthread.php?t=649240&goto=newpost)