اسمك حبيبي ويا كثرها اساميك‏

[قصيد]

تَعَبت أشيـل الهَم عنّك وأداريك
وإنتَ همومي ثقلَهَا .. ما يهمّك !

لا ياحبيبي ، هالزمن لا يخليك
تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
مهما إستِطَعت الظُلم خلْني أضمّك !

ماهي غريبه من يذمِّك يماشيك
لكن غريبه يمدحِك من يذمّك !!

ما كل واحد غاب معناه ناسيك
بعض البشر ينساك لو كان يمّك !

أدري تعِزْني .. اللـه يعِزْ : غاليك
وإن كان لي عندك معزَّه بـ أشمّك !

في خاطري كم كلمةٍ عن تجافيك
ولا شفت دمعاتي إنزَلَت حط كمّك !

إسمك حبيبي ويا كثِرها أساميك
وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
أحرق لك أعصابي .. وما حَس دمّك !

غايب بدون أعذار .. ربِّي يجازيك
عطني سبب مُقنع حبيبي .. وألمّك !

همِّك , جنونك , ضحكتك , كل ما فيك
صوتك , سكوتك , وأرجَع أقول : هـ مّك

[ لبيــه ] منِّك ، غيييير .. لمَّا أناديك
كنْ | الكلام العَذب | ... مرساه فمّك !

أبوك , خالك , إختك , أخوك , ماضيك
ربعِك ، جميع النـاس, وعيال عمّك !

شايف غلاهم ؟ والله أكثر ، أنا أغليك
واللِّي وِصَل ( نِص الغلا) يمكن أمّك !،



http://dc01.arabsh.com/i/00060/dw5rx6vb5jrr.gif








منقول

[فتى الجادي]

ربي يعطيج العافية
شكرا على الطرح الرائع
مشرفتنا قصيد

[قصيد]

الله يعافيك اخوي فتى الجادي ومشكور ع مرورك الكريم

[قلب مسندم]

ما كل واحد غاب معناه ناسيك
بعض البشر ينساك لو كان يمّك !


تسلمين قصيد على هالذوووووووووووق ...

[قصيد]

تسلم اخوي قلب مسندم ع المرور الحلو

منور

[الحزين دوم]

وايد نأأأأأأأأأأأأأأأأأأأأأأأيس

[قلبي جنوني]

لا ياحبيبي ، هالزمن لا يخليك
تقسى على قلبي وتسقيه سِمّك !

تسلمين ياالقصيد+

[قصيد]

يسلمووووو اخواني ع مروركم الكريم

منورين