أمانه وقف لي

[فتى الجادي]

أمانه وقّف لي أبي منك لحظات



. . . . . . يكفيني من صحرايّ لعب السرابي





سراب قيض وفي عيوني بحيرات



. . . . . .أطـــــرد وراه ويختفي بقتــــــــرابي





خدعة سراب أقطع من أجله مسافات



. . . . . . والريق ناشف والســراب الشـــرابي





أسمعني وأسمح لي أبا قول كلمات



. . . . . .وبعدين قرر عودتـــــي أو ذهـــــــابي





كرهت عيشه كلها جور واسكات



. . . . . . مــــدري متى يفتح للأوضاع بـــابي





طفح خـزّاني وأنتثر سال آهات



. . . . . . من عــالي جباله للأسفل هــــــوابي





شفني تحت سلّط على الوضع نظرات



. . . . . . أنقـــذ أمــــانه مابقى من شبـــــــابي





أسمعني أنادي وابي منك فزعات



. . . . . . شفني اصـــارع مــوج همّك غــدابي





هذآآك أنا أقوم وأطيح مرآت



. . . . . . بين الصخــــور وللشجر من ثيــابي


ألحقني قبل أدخل بظلمة متاهات
. . . . . . أســـــرع قبل ليلٍ يـــــزوّد عـــذابي






الليل أقرب من نهاراً لنا فات



. . . . . . أنظر غروب الشمس وشلون ذابي





تفضل ماقلته عن الوضع بالذّات



. . . . . . لاواضــحٍ حلّه وعمــقه ضبـــــــابي





كلمه أخيره لاتقولي سلامات



. . . . . . كرهتهــا فيهـا أختــلـط ســم دابي





هذي معاناتي وهذي إشارات



. . . . . . هذا ماعندي وانت هات الجــوابي

[قصيد]

صح لسانك اخوي فتى الجادي

يسلمووووو ع الكلمات الرائعة

[فتى الجادي]

شكرا على مرورج الطيب
مشرفتنا قصيد

[الحزين دوم]

صح لســــــــــــــانك يا اخوي
ربي لاهانك..

[فتى الجادي]

شكرا على مرورك الطيب
أخوي الحزين دووم