الدرس الثاني (Photoshop): إنشاء و فتح ملف في برنامج Photoshop

[Miss.java]

بسم الله
نبدأ الدرس الثاني في برنامج Photoshop
للحين الدرس الأول والثاني على درجة واضحة من البساطة ..
راح يكون شرحي على الإصدار CS4
وإذا أي حد واجه صعوبه بسبب اختلاف الإصدار يخبرني .. مع إنه ماكو وايد فرق بين الإصدارات

((إنشاء و فتح ملف في برنامج Photoshop))

الملفات التي ينشئها برنامج Photoshop تأخذ الامتداد PSD وسنقوم بإنشاء ملف (صورة) بشكل بسيط وسندخل بالتفاصيل في الدروس القادمة بإذن الله ..في ملفات مرفقة مع الموضوع ،، سيتعين عليكم استخدامها لإتمام هذا الدرس ..
الملفات المرفقة عبارة عن ثلاث صور : (خلفية ، مسجد ، صلاة )


1. من قائمة File اذهب إلى New أو بإمكانك الضغط على كنترول وحرف N وستفتح لك النافذة التالية:

http://www.musandam.net/up//uploads/images/musandamb01659256d.png
الشكل1

الرقم 1: تسمية الملف الذي ستقوم بإنشاءه (أنا بختار اسم pray)
الرقم 2: الضبط المسبق لقياسات الملف المطلوب (اختر Default Photoshop Size)
الرقم 3: في حالة اخترت Custom من قائمة الضبط المسبق ، سيكون بإمكانك اختيار القياس الملائم لك وحسب الوحدات القياسية الملائمة لك (cm, inches, pixles)
الرقم 4: لون الخلفية الأساسية (اختر اللون الأبيض)

ستفتح لك النافذة التالية:

http://www.musandam.net/up//uploads/images/musandama9552a088e.jpg
الشكل2

2. قم بحفظ الملفات المرفقة لديك ، ومن قائمة File اذهب إلى Open أو ببساطه بإمكانك الضغط على كنترول وحرف O ، افتح الملفات كلها ( خلفية ، مسجد ، صلاة )

3. ما يميز الCS4 و CS3 و CS5 عن غيره من الإصدارات هو Workspace ، عند فتحك لكامل الملفات سوف تظهر بالشكل الآتي:

http://www.musandam.net/up//uploads/images/musandamc244ea321c.jpg
الشكل3


4. الآن أصبحتم جاهزين للعلب بالصور ودمجها ..


ألقاكم لاحقاً لاستكمال ما تبقى من الدرس ~

:MonTaseR_168:

[فتى كمزار]

درس حلو وسهل شكراا خيتو

بأنتظار درس اللعب ع الصور

أنا برنامجي اصداره قديم cs2

[غرشوبة البحر]

يسلمووووووووووووووووووو

[قصيد]

انا بعد برنامجي اصدار 2

بيكون نفس الشي والله لازم انزل اليديد؟

[عذب المعاني]

تسلمين آختي على طرحج القيم
ومآ قصرتي فـ طرحج

نترقب اليديد

[ما تفهمونه]

http://www.musandam.net/up//uploads/images/musandam4ac2dbf06b.gif

[فتى كمزار]

مشرفتنا متى يكون الدرس الثالث إن شاء الله

[Miss.java]

السلام عليكم جميعاً ~

أعتذر ع الانقطاع المفاجئ ..

بالنسبه للإصدار 2 ، ترا ماشي فرق في الأساسيات .. واللي يالسه أشرحه لكم مجرد أساسيات ..
واللي يفرق بين كل اصدار تقريباً workspace وبعض التحسينات
واللي بيواجه صعوبه أو شي يخبرني
بس عموماً ماشي فرق
يعني خيتي قصيـــد ما يحتاي تنزلي اليديد
تمام يا طلاب ؟! هع
واخوي فتى كمزار ما خلصنا الثاني عسب نبدأ الثالث ! :MonTaseR_159:
يللا نستكمل من حيث وقفنا
بسم الله في أوله وآخره ~

هنـــآ وقفنا

http://www.musandam.net/up//uploads/images/musandam5fa04f91b1.jpg

بعدما فتحنا كل الملفات بنبدأ الحين ندمجها (الصور) ونلعب فيها حسب رغبتنا وحسب التصميم اللي نباه .. بس الحين كلكم بتسوووون مثلي عسب أشوف انتاجكم ، تمام يا طلاب ؟!

1. أول شي راح نحط الخلفية وفي عدة طرق لهالشي وبدرج هنا ثلاث طرق وبشرح وحده من هالطرق بالصور :

الطريقة الأولى :
مع وضع المؤشر على (خلفية) واختيار (Move Tool) نذهب إلى قائمة select بعدها إلى All (راح تتحدد حدود الصورة على شكل نقطي)
بعدها نروح من قائمة Edit نختار Copy
بعدها نحط المؤشر على صورتنا اللي نشتغل عليها واللي هي pray.psd
بعدها من قائمة Edit نختار Paste
الحين قمنا بنسخ الصورة خلفية.jpg إلى pray.psd
يعني سوينا الخلفية وانتهى #


الطريقة الثانية :
نفس الطريقة الأولى لكن باستخدام الكيبورد (لأنه أسرع وكنوع من الاحتراف)
مع وضع المؤشر على (خلفية.jpg) ، باستخدام الكيبورد نضغط على كنترول ثم حرف A (راح تتحدد حدود الصورة على شكل نقطي)
بعدها نفس الشي باستخدام الكيبورد نضغط على كنترول ثم حرف C
بعدها مع وضع المؤشر على الصورة اللي نشتغل عليها pray.psd ، نضغط على كنترول ثم حرف V
وبذلك انتقلت لنا الصورة
وانتهى #

الطريقة الثالثة :
وهاي الطريقة اللي أستخدمها شخصياً وايد (أسرع واحتراف وعملية )
مع وضع المؤشر على خلفية .jpg واختيار Move Tool ، أضغط على الصورة دبل كليك وأسحبها لين أحطها في المكان اللي أباه واللي هو pray.psd ، وطول ما أنا ضاغطه ع الصورة يتحول لون السهم إلى أسود كامل ، ولما أوصل عشان أحطها في المكان المطلوب (pray.psd)، يتحدد المكان المطلوب (pray.psd) بخط أسود مع ظهور المؤشر العادي مع علامة + .. وتنتقل الصورة بسلآم وآمان ..
أتمنى واضح الشرح ..

عاد اختارو الطريقة اللي تناسبكم ، وكل طريقة تعطيكم نفس النتيجة ، وخبروني إذا في أي أسئلة أو استفسارات


راح أشرح الطريقة الأولى بالصور :

http://www.musandam.net/up//uploads/images/musandam1bb631d14d.jpg

http://www.musandam.net/up//uploads/images/musandamb6f4032269.jpg

http://www.musandam.net/up//uploads/images/musandam3053f823be.jpg

http://www.musandam.net/up//uploads/images/musandamdbbe3af355.jpg

اممممم
بهالطريقه تعلمنا كيف ننقل الصور أو نسوي لها كوبي بيست بالفوتوشوب ..

نقطه جداً مهمه في الفوتوشوب ألا وهي (Layers)

...

للدرس بقية ~
:MonTaseR_148:

اللهـ يعينكمـ علي !

:p

[IS-student]

دروس مهمة وأساسية في الفوتوشوب

نتمنى انكم تستفيدوا من الدروس

ومشرفتنا ما مقصرة ما شاء اله عليها

ويا ليت الأعضاء يطبقوا الدروس

ويرفعوه عالمنتدى عشان نشوف وين وصلوا وكيف ممكن نقدر نساعدهم

متابعين لكم ...

[حسن محمد]

بالفعل مشرفتنا ما مقصرة

بس اشوف ماشي تفاعل من الأعضاء

يا ليت ترسلوا رسايل للأعضاء وتخلوهم يتفاعلوا اكثر

ومستعدين نساعدكم

وان شاء الله تحترفوا في الفوتوشوب

ومثل ما ذكر is-student

لازم نطبق عشان نتعلم

متابعين للدورة ...

[فتى كمزار]

شكرا لج مشرفتا
بعد ماخلصت من تطبيق
هالدرس صار الملف نسختين
هل تطبيقي صح

[ăşᾦǞᴙ]

امممممممممممممم حلــــــــًو

دروووووس مهمــًه بس أنا من أسوي مايضبط معي شي أبــًدا

بس بنحاااااااااااااااول وش وراناـآ

تسلمين خيتو .. :7rkat:

[Miss.java]

شكرا لج مشرفتا
بعد ماخلصت من تطبيق
هالدرس صار الملف نسختين
هل تطبيقي صح


أي ملف اللي صار نسختين ؟
إذا ما عليكـ أمر فتى كمزار وضح سؤالكـ أكثر ..

النتيجه بعد هالدرس هو ملف pray.psd ، منقول (منسوخ) فيه خلفية.jpg ..
بهالشكل :

http://www.musandam.net/up//uploads/images/musandam3bbb0d2e1a.jpg
الشكل1

امممم
:MonTaseR_173:
طبعــاً ، جزاك الله خير فتى كمزار ، انت نبهتني لنقطة مهمة ..
واللي هي حفظ الملف ..

بعد ما نخلص الشغل اللي قمنا فيه الملف المطلوب تصميمه ، لازم نحفظ التغييرات :

1. إذا الملف المراد تصميمه لم يكتمل بعد ، يعني بالعامي إذا بغينا نضيف ونغير بعدنا (مثل حالتنا الحين) ، سنقوم بحفظ الملف على صيغة الفوتوشوب.

2. إذا الملف المراد تصميمه تم الانتهاء منه ، يعني بالعامي خلصنا تصميم وما نبى نعددل شي ، سنقوم بحفظ الملف على الصيغة المطلوبه ، وغالباً ما تكون jpg يعني حفظ الملف كصورة ، وهناك الكثير من الصيغ راح أشرحها لكم بالصور الحين ..

يلـــــلا

طبعاً للحين ما خلصنا تصميم ، بس نضطر إنا نغلق الملف عشان نقدر نكمل شغل بأي وقت ثاني ، يعني مثل حالتنا خلصنا نسوي نسخ فهالدرس وراح نغلق الملف لين ينزل الدرس اللي بعده ،، صحيح ؟! ..

أوك

كالعاده في عدة طرق للحفظ ..

من قائمة File ، واللي واضحه باللون الأخضر حسب الشكل 2 ..

http://www.musandam.net/up//uploads/images/musandam4b84c97e9f.jpg
الشكل2

عندنا أهم خيارات حفظ هم اللي عليهم الدائره الحمراء رقم 2 و3 و4 ..

طبعاً رقم 4 (Save for Web & Devices) احنا نستخدمها لتصميم المواقع ، بس خلكم بعيد عنها حالياً لين تصيرو برفيشنال هع ~
(للي عندهم فضوووول وحب لطلب العلم يتواصلوووو معي )

رقم 3 و 2 تقريباً نفس الشي ..
لكن غالبا ما نستخدم رقم 2 (Save) لما يكون ملفنا بصيغة الفوتوشوب واللي هي psd ، و يكون هالملف موجود واحنا نشتغل عليه كذا مره (أتمنى تكونو فهمتو المقصد!)

رقم 3 (Save As ) نستخدم هالخيار عشان نختار الصيغة اللي نبي نحفظ فيها ملفنا (بوضح لكم نافذة الحفظ بعد شوي)

لكن
في حالة ضغطو على × مباشرة واللي وضحتها برقم 1 في الشكل2 ، راح تظهر لكم النافذة المُشار إليها في الشكل ، وفيها خيارات 3 :
Yes
No
Cancel

طبعاً يختلف إذا كنت تصمم وتفتح هالملف أول مره عن ما إذا كان ملف قمت بفتحه للمرة الثانية أو الثالثة أو ... الخ
* في حالة الملف جديد وتوك انت أنشاءته (يعني نفس حالتنا وشغلنا):
إذا اخترت Yes راح تظهر لك النافذة الموضحة في الشكل3
إذا اخترت No راح تنغلق النافذة والملف وما انحفظ شي من الملف !!
إذا اخترت Cancel راح يغلق النافذة اللي ظهرت بعدما ضغطت على × ويظل الملف مفتوح

..
..

** في حالة الملف تم إنشاؤه من قبل وانت الحين داخل عسب تحط إضافات وتعديلات:
إذا اخترت Yes راح تنحفظ التعديلات والإضافات اللي دخلتها على ملف psd
إذا اخترت No راح تنغلق النافذة والملف وما انحفظ شي من التعديلات والإضافات اللي أضفتها على الملف !!
إذا اخترت Cancel راح يغلق النافذة اللي ظهرت بعدما ضغطت على × ويظل الملف مفتوح

http://www.musandam.net/up//uploads/images/musandam45a4e3715e.jpg
الشكل3


http://www.musandam.net/up//uploads/images/musandamaf32f5a690.jpg
الشكل4


ولكن في حالة اخترنا مباشرة من Save AS ، بيظهر لنا الشكل5 :

http://www.musandam.net/up//uploads/images/musandam68502e3a1a.jpg
الشكل5


كل صيغة تفرق عن الثانية من خلال : الجودة ، الحجم ، الاستخدامات ..
وكل صيغة لها خصائص تختلف عن الأخرى .. يعني مثلاً :
إذا اخترنا صيغة jpg وضغطنا حفظ راح تظهر لنا النافذة اللي فالشكل6
إذا اخترنا صيغة psd وضغطنا حفظ راح تظهر النافذة اللي فالشكل7
إذا اخترنا صيغة pdf وضغطنا حفظ راح تظهر النافذة اللي في الشكل 8


http://www.musandam.net/up//uploads/images/musandam561d65a007.jpg
الشكل 6


http://www.musandam.net/up//uploads/images/musandam1f7d3d3e85.jpg
الشكل7


http://www.musandam.net/up//uploads/images/musandam3f771135ef.jpg
الشكل8


وانتهـــى الحفظ بس ما انتهى الإبدآع ..

أي استفسار يخص الصيَّغ (Format) أنا على استعداد ..
أي سؤال أنا على استعداد ، وما يقصروا عيال التصميم عندنا ..

أتمنى من أصحاب CS2 يطمنونا عليهم وكيف الأمور ، أقصد خيتي قصيــد وفتــى كمزار ~

ملاحظه :
أعتذر على الخليط الحاصل ، مره عربي فصيح ومره لهجه عاميَّهـ ،، بس عشان أوضح الشرح بأبسط طريقة لكمـ .. وإذا في أي ملاحظه على الشرح أو اقتراح أنا على استعداد للإستماع والمناقشة والتطبيق ..

أسأل الله لي ولكم الفائده ~
:
:MonTaseR_205:


:

[قصيد]

أحسه صعب وااااااااااااااااااااااايد

يبالي دورة في الفوتوشوب

:MonTaseR_179: :MonTaseR_179: :MonTaseR_179:

[Miss.java]

أحسه صعب وااااااااااااااااااااااايد

يبالي دورة في الفوتوشوب

:montaser_179: :montaser_179: :montaser_179:




أفــــــ:611:ــــــــآ

مب صعب خيتي~
تعرفي محد علمني البرنامج !!
تعلمت بروحي !!
حتى في دراستي الدكاتره ما يشرحو شي !!

خبريني وين الصعوبهـ وكلنا بنساعدج بإذن الله ..
اممم
يمكن شرحي معقد !!
شو رايكم ؟!

[قصيد]

الحمد لله ماكان عندنا هالدروس في الجامعة كنت صدق اتورطت

لا تحاتين حبيبتي انا يالسة امشي عالخطوات وشكلي بفهم شوي شوي

مشكورة فديتج

[Miss.java]

الشكــر للهـ ~

نحن في خدمتكمـ ~

هع

إذا في أي استفسار ، صعوبهـ ، خبريني ع طووول حتى لو ع الخـآص ~

وفقنــــآ اللهـ وإياكمـ
:MonTaseR_222:

[سليمان مالك]

ما شاء الله على مشرفتنا المبدعه Miss.java (http://www.musandam.net/vb/member.php?u=389) باركك الله والى الأمام دائمآ


متابعين دروسك أختي الكريمة ونرى إبداعاتك وتجاوبك مع طلابك ومتابعتك لهم أول بأول



تحياتي لك

والى الأماااااااااام دائمآ وأبدآ

[حفيد المعرفة]

دروسك رائعة وجهودك تشكرين عليها،،

لكن لدي ملاحظة بعد إذنك،،

ربما لأنك تطرقت إلى تفاصيل لا تهم المبتدئ ابدا،،

مثل المقاسات بالأنش والبكسل مثل هذه لا تهم الشخص المتعلم حديثا،،

الأفضل ان يكون الدرس في الأمور الرئيسية مع الامثلة التطبيقية،،

اما طريقة الشرح فهي بسيطة وواضحة وكل المطلوب للمتعلمين بعض الصبر،،

[Miss.java]

دروسك رائعة وجهودك تشكرين عليها،،

لكن لدي ملاحظة بعد إذنك،،

ربما لأنك تطرقت إلى تفاصيل لا تهم المبتدئ ابدا،،

مثل المقاسات بالأنش والبكسل مثل هذه لا تهم الشخص المتعلم حديثا،،

الأفضل ان يكون الدرس في الأمور الرئيسية مع الامثلة التطبيقية،،

اما طريقة الشرح فهي بسيطة وواضحة وكل المطلوب للمتعلمين بعض الصبر،،




لقد استنارت صفحتنا بوجودكم ..

وملاحظتك في محلها ، وسآخذ بها في الدروس القادمة بإذن الله ..

ونتمنى منكم المشاركة معنا لأننا ننتظر منكم ماهو مميز ومبدع ..

بارك الله فيكم ..
:icon17:

[بنوته بوظبي]

.................................................. ...............~