لو كنت مجانا حشا ما خذيتك

[ملكة الشحوح]

http://www.iraqup.com/up/20110328/3Ts4R-rU0k_220394523.jpg (http://www.iraqup.com/)



الحين ابيك وقبل هالـحين ماأبـيك


وقبل الشروق بنص ساعه نسيتك

لو جيت بدري يشهد الله بحييك
اما ثلاث سنين وتقول جيتك




قانون مين الي عن الصد يحميك ؟

والا خفوقي تقدر تقول بيتك ؟





ارجع ورى خل الامام لتخليك

خل الوجع يكسي ضلوعي ..رجيتك





ارجع لذيك الي عطتني بقاويك
خلك لهـآ مادمت انا قد نسيتك




لا تخسر اثنينـن وخلك مع ذيك
لا تخسـر اثنينـن مادامي لغيتك





يمكن تناسب طبع حضرة معاليك

لاني انا وياللأسف ماوفيتك




يمكن تخونك وبخيانه تهنيك
يمكن تلاقي الي انا ماعطيتك





يمكن بلحظه من حكي الزيف تحـويك
وبكل سهوله تنـّطق لك فديتك





يمكن بماي الكذب يازين تسقيك

ترويك غدرن دام انا مارويتك



ماعاد لي ياصاحبي بين اياديك
مرجع ولا بتذكر أني لقيتك




خلك لهامادآم رجلك توديك
للـي خذت فرحـة خفوقي لـصيتك



خلك لها وانا اوعدك مااناديك
يالي رغم ذيك السنين احتريتك





يالي على فرقـآي تشهد خطـآويك

ليتك تحس بخيبة الحب ليتك




والا عساك تعيش جرحـن يوازيك
من حيث ماترحل طعونـن تبيتك





يالله عسى كل البشر ماتخاويك

حتى دموعك تقتفي لاقفيتك





تبكي ودمعن بالمحـآجر يـجافيك
تصرخ وتنخي للبشر مانخيتك


راجع وتحسبني من الشوق بهديك


صرخه هلا وينك حشا ماجفيتك؟



ماني على خبرك بصدق حكاويك

مثلك على هدم المحبه هقيتك



تدري ترا ماعاد لي نفس اشريك
لو كنت مجاناً حشا ماخذيتك




كان برجوله تجرح احساس غاليك
انا بصمتي.. والأنوثه وطيتك


وكان الغدر هو السبب في تعليك
انا بدمعي والـمحـبه عليتك




توني ابيك ولكن الحين ماابيك
قررت ابيعك مثل ماانا شريتك

[قصيد]

http://sites.google.com/site/mounahayet2/carte4.jpg

[بنوته بوظبي]

مشكوووووووووووووووره
ماااااااااااا قصرررررررتي
الله يعطيج العااااافيه

[قصيد]

http://forum.net.edu.sa/forum/uploaded/3885_01237742015.gif

[بنت مسندم]

مشكورة ع الموضوع
تقبلي مرووووري

[عذب المعاني]

توني ابيك ولكن الحين ماابيك
قررت ابيعك مثل ماانا شريتك

سوو ناايس الكلمات
نترقب اليديد

[ملكة الشحوح]

نورتو متصفحي

يعطيكم ال 1000ف عافـية

[رحــــــــال الجري]

عذبه المعاني اسم على مسمى..
كلمات ومعاني جميله..
تسلمين..

[ملكة الشحوح]

رحال جري يسلمو ع مرور طيب

[غمضاء]

يمكن بماي الكذب يازين تسقيك
ترويك غدرن دام انا مارويتك

تدري ترا ماعاد لي نفس اشريك
لو كنت مجاناً حشا ماخذيتك

كان برجوله تجرح احساس غاليك
انا بصمتي.. والأنوثه وطيتك

توني ابيك ولكن الحين ماابيك
قررت ابيعك مثل ماانا شريتك


كلمات في قمة الروعة واحسستني انها نابعة من صميم القلب
بارك الله فيكم وعلى الاحساس الطيب
والى الامام ونتريا المزيد باذن الله

[ملكة الشحوح]

غمضاء يسلمو ع مرور ناااااايس

[كلوديااا]

تسلم يمينكـ ع الطرح الرائع
بشــــوق لجديدكـ
مودتي..