°•° يالريم. الأصيل °•°

[حواليكم]

°°°••°°°

الغلا ... والحب .. والليل الطويل
يشبهك ياقلب وأنت في هواك

مسكنك في وسط روحي ياجميل
ماعرف قلبي أبد أحدٍ شراك

انت لي نبضي.. وشمسي.. والدليل
بس همي أبلغ وأوصل رضاك


تاه حرفي فيك يالريم الأصيل
كيف ببدأ فيك وأوصل منتهاك

كيف أوصف من هو لروحي خليل
وانت كل الزين مايسوا حلاك

وأنا جيتك قبل لاعني تعيل
قبل لا ياخذك هذا ولا ذاك

إنت لي حلِي وأنا لقلبك حليل
كل روحي لك وماتبغا سواك

مايهمك يالغلا قالٍ وقيل
العواذل غرهم صافي سماك

ودهم لو يتركوا قلبي عليل
وأنا قلبي مابغا إلا دواك

به أداوي جسمي الغض النحيل
وبه أكحل عين تتمنى لقاك

وبه عرفت أن الهوى دربه طويل
وماشعر بالبرد من لاقى دفاك


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (/~moeoman/vb/showthread.php?t=518865&goto=newpost)