صور العفية

[حواليكم]

صور العفية
صباح النور يا اللي ما غيرك
تبعثه يا صور ...
صباح العيجة اللي
على مرسى شواطيها
يروي للقصص
سنبوق
*** ***
تقول الغنجة في همسة
تذكر
جدك الأول ؟؟
إذا ناسي أنا منسيت
وكان يصارع الموجه
ولا تعبت سواعدهم
ولا كلت أمانيهم
وإذا إنت تبي تعرف ؟؟
تعال انصت
وش يقووول الموج
*** ***
ترى صوته مهو مخوف
تدري ليه ؟؟
لأن اجدادنا روضوه
بعد ما كان يتعنتر
*** ***
وصار اليوم يتخوف
إذا سمر السواعد يو
يقول إلهم :
نحت الصخر
وغيّرت المعالم
على سيفة شواطيكم
ولا كليت
ولا تخوفت
*** ***
لين أهل العفية يو
هممهم صارت تصارع
جبال غاضبة تزمجر
وكنت أحسب أنا قادر
أفت شموخهم وارتاح
ولكن ،،،
كلت اقدامي
وخار العزم مني وراح
*** ***
وصاروا أسياد هالعالم
وأنا استسلمت
ولا أجدر أبد أرفع
ف حضور أهل العفية صوت
مغير الهمس أحكي به لأجيال ٍ

قصص أجدادهم بالأمس




الفاروق الغافري



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (/~moeoman/vb/showthread.php?t=524931&goto=newpost)