عيدي فلا يقرب

[حواليكم]

لكل من مرّ عليه العيد وقد افتقد غالياً ... وما أكثرهم في مجتمعنا
أهدي قصيدة .. "عيدي فلا يقرب"


قالوا عيدنا قرّب... معِ الفرحة عساهِ يبين

ومدري ليه انا وحدي قلِت علّه فلا يقرب

شفْتِ الناسِ مبتهجة، قلِت يا علّ، كيفِ، منين

ودّي مثلهم أفرح ..وعلّي الضحكِ للمغرب

ودّي مثلهم ألبس ...ثياب مْنِ الحرير الزين

ورشة من عطر غالي. ولعبة آهِ لو ألعب

حلمتِ بْنظرةٍ ترحم ، ولكن.... مَلْمحتني عين

مرّوني ولا به يد.... تطبطب قلبِ متعذب

قالوا هالطفل ماله ..يناظر خطوة الماشين

لا يحكي، ولا يشكي. ، ولا حتى بعد يغرب

شكله حاقد وْموتور ، ..أو شكله كذا مسكين

أو شكله يبي يبكي. غريب ونظرته أغرب

ما جت كلمةٍ منهم .....تطمّن ما أبي ثنتين

نزلت دمعةِ عْيوني. صفر كفّينِ بس أضرب

للأحزانِ خلّوني .........أناظر للأمل عامين

شايف فرحتي تهرب ويهنالي الثرى مشرب

كافي يا ملا عذلي.. تلخّص قصتي بيتين

عزة نفس تمنعني ... يتيمٍ بسّ ما أطلب



أمي مالها غيري، وبويه.... مات من سنتين



وعمي ملتهي والخال ما عنده أبد مكسب



وجيراني ترى ملّوا ...عطونا عطفهم واللين



لكن لي متى يعطوا، لهم حالٍ بعد يتعب



بنطر يا عسى ربي، يسوق لنا الهنا، ويْعين



بلقى من فتات الخبز كسره مِ العسل أطيب



برفع لك يدي دايم، لغيرك ما قلِت... آمين



يا ربي... دوا لامّي ، طلبتك طلبةٍ يا رب



مالي غيرها تحضن... فؤادي لو بكت هالعين



بسْجد لك ...أبتضرع، يمر عيدي وهي أطيب



*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) .. (/~moeoman/vb/showthread.php?t=530860&goto=newpost)