موضوع مهم جدا لوزيرة التربية والتعليم

بسم الله الرحمن الرحيم

اولا : اود التحدث عن اضراب المعلمين والي يصير في هذه السنة الي صار كان اهوه مطالبة الوزارة بتعديل المناهج والتعليم وتعديل كل جهات التعليم ويقول المعلم لمصلحة الطالب هذا الي الحين ظاهر بعد مرور شهر كامل توقف عن الدراسة هذا مصلحة الطالب لا ما كذا بعد المشكلة انه المعلم يتكلم انه يريد مصلحة الطالب هذي دليل على انهم يريدو مصلحة الطالب واثبات طبعا
انا طالب ثاني عشر تعرفو ويش معنى الثاني عشر ستة تحديد المستقبل والحين انا بعد 11سنة انتظار هذي السنة واخر شي يضيعها المعلم على الطالب

الحين اريد يتكلم المعلم لما زادو الرواتب ولا واحد من المعلمين تكلم بكلمة واحد هذا ما حرام وين مصلحة الطالب الي يتكلمو عليها ولا بس كذا كلام علشان يخلو الطالب يساعدهم على هذا الريد بس معلم واحد يتكلم من انه يقول انا اطالب علشان مصلحة الطالب اريده الحين بعد ما عطوه زياده في راتبه ولا كان كلام على الفاضي وضيعو علينا هذا الفصل كامل وصار التعليم اضعف عن قبل


انا احمل كل معلم الى يوم القيامة اي درجة تنقص من درجاتي يتحملها ذنب على رقبة الى يوم القيامة وحسابة مع الله تعالى لانه لم يخلص في التعليم ولما يعطي الطالب الذي يجب ان يعطى ايه الطالب
احنا نتكلم وكانه لا احد يتكلم تكلمت في الاضراب ويش رد احد المعلمين ان شاء الله يراعوكم وين هذاااا الشي الي قاله ؟؟؟ والله كان صدمه لطالب الثاني عشر يمتلك امل واهداف يريد تحقيقها ويريد اسعاد اهله بدرجاته والله انا اكتب هذا وامتلك الكثير من الامل..... والاهداف اريد تحقيقها ولكن اواجه صعوبات كثيره

اتمنى توصيل هذي الرسالة الي جميع المعلمين وايضا الى الجهات المختصه
اخوكم younis alsulaimi


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..