رثاء بدموع القلب

تنزف حروفي من الوجع اشعارها
تاهت معانيها من كثر آلامها

أخاف عليها حين الثرى غطاها
والحصى ويا الكفن آذاها

هذي العزيزه الغاليه هذي امي
هذي الحنان إلي اجتمع ف حذاها

هذي الحبيبه اذا الزمن آلمني
هذي العظيمه جل من سواها

اسكب عليها دموع ماتنتهي
ويشتعل قلبي نار فرقاها

ابكي عليها مو نهار وليل
ولاسنه وينقضي ذكراها

ابكي عليها كثر ماشالتني
وكثر حنينها وسهرها وبُكاها

ابكي عليها كثر الخلايق والشجر
وكثر البسيطه ومابها وسماها

ابكي عليها من الحزن ياحرقتي
من لي أنا من عقب فرقاها

من فتحت عيني على الدنيا
اعيش ف دنيتي متوفقه برضاها

هي الملاذ اذا الزمن اضناني
وهي الدوا بلمسها وحكاها

اشلون امر على غرفتها
واشلون اجي عند مصلاها

ياضيق هالكون وياوحشته
وياضيق هالدنيا ومقساها

ويامر الحياة و يامر طعمها
يوم الحبيبه راحت من فضاها

أوصيك ياربي ترّفق بحالها
شوفها ضعيفه فأحسن مثواها

و أوصيك قلها تعذرني
اذا خطيت بكلام قد آذاها

ابيها تغفر لي مثل ماكانت
كل هفوة بطيبها تنساها

يا الله تحسن في ضيافتها
وعساها في الفردوس سكناها


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..