أنا أول المهنئين لممثلنا العضو الجديد
طبعا خصب كلها تتريا العضو الجديد، ومثل ما قال أحد الأخوة في كلامه عن أحاديث مجلس الشورى لهذي الفترة يقول: لما نسلم على أحد الناس بالسلام عليكم يرد علينا وعليكم الشورى.
طبعا هذا يدل على أن مجلس الشورى أخذ كل تفكيرنا وكل كلامنا حوله ما تمر مكان إلا وتحصل الناس تتكلم عن الشورى ومن إللي يفوز وكم الأصوات مع فلان والثاني ما معه حد ، والثالث انسحب والرابع ضم صوته لصوت فلان وخذ لك من هذا القبيل كلام ما ينتهي ولا حتى نمل منه طول ما الموضوع بعده ما انسحم.
لكن صدقوني محد منا فكر أنه يعد لمرحلة ما بعد الانتخابات يعني مثلا محد قال لازم نوقف وقفة رجل واحد معالعضو الجديد وندعمه بأفكارنا نوقف معه ونحارب العصبية القبلية ونحارب الأفكار الخاطئة اللي يعتقدها الكثير منا.
للأسف الشديد أن المجتمع يترك العضو بنفسه يشتغل وبالأخير يقولوا أنه ما سوى لنا شي مووول، إنزين كيف تبغوه يسوي ليكم أشياء وهو بروحه بس وما معه أي حد، ومعروف ان اليد الواحدة لا تصفق أبدا.
موضوعي هذا أقصد فيه إرسال رسالة لمجتمعي أنهم يوقفوا وقفة مع العضو الجديد أين كان ومن أي قبيلة إللي يهمنا أننا نشوف مجتمع متكاتف همهم واحد وهو المصلحة العامة لولاية خصب.
وبالأخير محد خاسر من بين المترشحين صدقوني الكل رااااابح لأن أهدافكم واضحة ونبيلة وهمكم واحد وأحنا معكم نكمل بعض ونرتقي بولاية خصب.
ومن المنتدى الرائد خصب نت نهني الجميع على فوزهم بعضوية مجلس الشورى.
