رسالتي الى واضع اختبار الاحياء والمسؤولين

السلام عليكم ورحمته تعالى وبركاته

يوم جديد من المعنويات اللي احاول ارفعها
مالاحظتو ان ولا معلم احياء ولا احد مختص رد علينا بموضوع الاختبار
راضين عن اللي صار

امس اختبار احياء واللي قبله هذا وطني واللي قبله فيزياء

وين المراعاه ؟؟؟
مو المفروض تسهلون علينا
ماده دسمه جدا ومحتاجه يوم قبل الامتحان لترتيب الافكار
يعني معلومات نراكمها اختبار ورى اختبار
تعبنا

الاختبار واحد ولا 2 قال سهل
بالمقارنه مع الباقي ليش التصعيب
صح مذاكرين من قبل بس حتى ولو لو متخصصين فاامادة اربع سنوات من حقهم يصعبونه
بس وين مراعاه الفروق العقليه
نحنا طلبه العلمي
والله ان امس معاي 6 طلاب فالمستشفى
تعبنا ومرضنا وسهرنا بالاخير
ننحبط
هذا غير الاخطاء الموجودة فالكتاب من ترجمه وغيرها
التصحيخات فالمنهج المنزله فالمنتدى كل الطلبه بيشوفونها ؟
الفقير من وين بيعرف
نمشي ع شرح الاستاذه ونتفاجا فالاختبار سوال اختياري له اجابتين
ونمشي ع شرح الاستاذه ويطلع غلط
خسرنا الدرجات
لكن ويش بقول غير حسبي الله ونعم الوكيل
ومشكور ياواضع الاختبار ياكشخه على اختبارك الجميل جدا

اسمحولي ع الاطاله
والله يسهل علينا الكيمياء

*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..