الانفجار العظيم big bang

السلام عليكم ورحمة الله وبركاته
انا من مجموعة الصامتين إللي يشيكون المنتدى قبل يرقدون يتأكدون شي اعلان ولا لا.
حبيت اخرج من صمتي ودورت لي يوزر قديم هنا. بغض النظر عن اللقب إللي يضحك سمحولنا يقولكم ف ايام المراهقة اللحاء إللي مقدمة الدماغ ما ناضج. بس الحمدالله انها يات على قمراي بس.
المهم خلونا ندخل ف الجد. علااااامكم يااخي؟ ؟؟ *فيس يتنازع*
كل ما جينا ندور اعلان نلقى مواضيع مشحونه سلبية واشاعات وكلام روايح. عذبتونا نفسيا. الواحد يجي متفائل يطلع من المنتدى ينعر؟. ماتعرفون تتكلمون بإيجابية؟
نعرف انكم تبون تعرفون هل بتعينون او لا كلنا نفس الحالة. تفائلوا بالخير تجدوه.
اذا شفت واحد يقول سمعت انه فيه مصايب ف التعيين بروح بيته بحزام ناسف.
انتوا ناس ناضجين يقالكم انه لما بيأكد لهم انهم يعلنون بيعلنون. ليش الاصرار والالحاح ف ذات الموضوع؟ يعني ويش بيسوون لكم المشرفين. اروحي مالي دخل بالاسراف وراسي انبط منكم.
مع العلم انا حالي من حالكم من شهر عشرة مسجلة. وتمر بي حالات يأس بس سببها الاشاعات إللي هنا.
ريلاكس تنفسوا بعمق. "في السماء رزقكم وما توعدون"
كله من عند الله وكله خير ..
عسى يارب ألقاكم كلكم متعينين وتغثونا السنه اليايه تبون نقل.
آسفة للمفردات ولكنها من باب المزاح ..
ابتسموا ماشي يسوى هالكدر كله.

:)


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..