(وعـــد)
مرة وعدتيني وعد
قمتَ اتخيّر ملبسي
ولّعتِ جمر المبخرة
وْرشيتِ باحساسي عطر
.......
قبل الوعد جيت بأمد
ملهوفِ مقطوعِ نْفَسي
أفكاري كلها مْبعثرة
والشوق فيني ما فتر
......
ناظرتِ حولي .. لا أحد
ذبلان فيني نرجسي
أنطر وصولك وانطره
وعدٍ وعدتيني بْسهر
....
مرّت دقايق من بعد
وعدك وكنّي منتسي
نظرات عاذل تقهره
قلبي وزادتني قهر
.......
مسكتِ أطراف الورِد
يذكرني قلبك أو نسي
جيت فْ خيالك يا ترى
من عام عدّا أو شهر
...
جمر الصبر فيني رمد
والقلب حزنٍ مكتسي
أنكرتِ وعدي يا مرَه
لا واخسارة هالعطر
.
.
لا واخسارة هالعطر
عبدالعزيز بن ناصر الغافري
