تعــــــــال
تعال يامبعد عن عيوني سنين
الشوق فاضح لو فصدري كتمته
زولك أشوفه كل ماترمش العين
وان نمت واقفلت الهدايب حلمته
اسمك معي يجري بمجرى الشرايين
وان جيت انادي الغير اسمك نهمته
دونت لك من زود شوقي دواوين
وهذا قصيدي لجل عينك نضمته
روف وترفق لا تفل الجناحين
فكر بقلبي لي بدينك حزمته
أرسم من خطوط المواصل ملايين
وبعناد طبعك تمحي اللي رسمته
شتتني بين اختلاف العناوين
أخاف صدرك عن دروبي لجمته
تعال لا تبعد ولو مره تحين
لقيا ترجع صرح انته هدمته
لن السنين تفوت ونبقى حبيبين
وإحساسنا يصرخ ولو طال صمته
