باسم الشوق ""

باسم الشوق ..
قصيدتي الجديدة .. عسى تنال اعجابكم ..
[ أستقبل كل الانتقادات والملاحظات برحابة صدر] ..


من هو يلوم الشوق لا من طريتكـ
يا من ترد الروح فيني بذكراكـ
فرقاكـ يكوي خفوقي ... يريتكـ
تشوف حالي من بعد يوم فرقاكـ
لو كان لكـ قيمهـ تقدر شريتكـ
ما عشت لحظهـ في حياتي بلياكـ
سجيت عني .. رغم ذاكـ احتريتكـ
ما في ضلع وسط الصدر ما تحراكـ
لو كان لكـ درب مقدر سريتكـ
ما شفتني تايهـ أدور محياكـ
يا صاحبي ماني بماخذ حريتكـ
لقلب يصدح بالهوى ما هو بفاكـ
باسم العشق .. يا ليتني ما غريتكـ
شوف التلاعب بالعشق وين وداكـ
بعدكـ يهون .. إلا الهوى ما بريتكـ
ماني بلاقي شخص مثلكـ وشرواكـ
لو في مثيلكـ بالغلا .. ما اعتريتكـ
بإحساس صادق من خفوقي ترجاكـ
بس ما دريتكـ يا الوفي .. ما دريتكـ
تهجر.. وتكوي بالهجر قلب يهواكـ
ببقى أحبكـ والعهد إن م ريتكـ
تدعي لقلبي كثر ما هو تمناكـ
عشقتكـ بصدقي .. ووسط قلبي قريتكـ
واليوم مدري من ف قلبهـ تقراكـ ..


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..