بنات اليوم في < خطر > ؟!!!!

بسم الله الرحمن الرحيم
تخنقني العبرة قبل أن اتكلم
وقبل ان اسطر الواقع الذي نعايشه ..
نعم اصبحنا اضحوكة المجتمع
وعلى لسان كل شاب ..

لماذا ؟؟ وما السبب ..

سأبدأ لكم قصتي ..
التي لطالما اوجعتني أشواكها الحادة ..
وأختصر الحديث بكم لاخبركم اني اتكلم عن جوهرة كانت مصونة
ولكن بفعل عوامل خارجية واخرى ..
اصبحت قيمتها رخيصة لا تشرى ولا تباع ؟؟

فتاة اليوم ..
أصبحت قصة طويلة ابداها اليوم انا لأنهيها معكم ومع آرائكم واقتراحاتكم للتغير ..

اتكلم باللغة العامة ..

في الحقيقة شي مؤلم ومفجع ..
انك تشوف بنت لابسه لبس فاظع على مكياج وحركات آخرى ..
تغار على نفسك قبل عليهاا ..
أخبركم عن نفسي ..
مب نكته هذي والله حادثة وقعتلي في المدرسة في احد ايام السنة ..
شو اللي صار ..
في مرة وانا جالسة ف احد الممرات اللي جنب صفنا مرت علي بنت .. والله ظنيتها رايحة عرس .. ع صبغة ما ادري كيف بشرحها ..
طيب الله يسترهاا .. شو اللي صار ..
سألتني < تعرفي صالونات معروفة ولها جودة في البلد>
قبل لا ارد قلت ف نفسي لا يكون هذه واصلة اللحين من المريخ ..
جاوبتها ع قد السؤال وقلتلها والله وااجد < صالونة سمك صالونة دجاج صالونة لحم ...............الخ>
قامت وعملت حركة بفمها وراحت ..
صوبنا شو استوالها .. سلامات الطيبة قلت شي خطأ؟؟
خبرت بنات الصف وجلسن يضحكن علي .. وانا مستغربة !!
شو السالفة احد رجاء يفهمني .. خبرتني ربيعتي وقالتلي انه هي تقصدلك الصالونات اللي تهتم بالمكياجات والحركات ؟؟؟


يعني بالله عليك .. وجه مثل وجهي مال مكياجات أنا كحال عماني عمري ما جربته عاد هذا اللعب اسوي ..
والله عجيب..

والكثير من الاشياء اللي تخلي الواحد يمسك راسه بس ..

شي غير ..
في مرة وانا جالسة مع الاهل سمعت اخوي يتكلم عن بنت معهم في الجامعة الله يسترها ..
سمعوا السالفة :
يقول اكرمكم الله انه هالبنت طول الاسبوع وجها طحين .. مو يعني طحين < يعني بودرة ما بودرة وهالحركات >
ويوم يجي يوم الخميس مثل الفحم .. يا سبحان الله تو ذي مالها كذاك ..؟؟
يقول طلع انه هالبنت ترجع البلاد بعد محاظرتها وذاك اليوم ما تقدر تعدل نفسها عن يشوفوها اهالها ..

يا رب استغفرك .. وتعتقد انه الله ما راح يشوفها ..

شوفوا كيف صار ذكرها على كل لسان ..
أختي .. يا من تقرأي كلامي هل تريدي هكذا ان تكون سيرتك على كل لسان ..
ومو بس كذا حبايبي اشياء كثيرة الواحد بس يقول الله اكبر .. ويسكت < خلها مستورة >

يا بنت اليوم .. وأم الغد ..
مو فايدة هذا الشي .. يعني تظني بدخلي الجنة .. ؟؟
< لعن الله النامصة والمتنمصة .....>
واللعن يعني الطرد من رحمة الله ..
يعني لا جنة .. ولا شوفة رسول .. ولا شربة من حوضه ..
وكل نعيم الدنيا ما راح ينفعك ابدا ..
< ونعيمها ترى افراح كذابة >
يعني مب دايمة ..
عودي الى الله عزيزتي قبل ان يفوت الآوان ..
وقبل ان ينادي الله في عالي سماه < لمن الحكم اليوم >

أخيرا شكرا لكم على متابعة هذا المنشور ..
الفراغ الذي اسفل ينتظر آرائكم للتطوير والتغير ..

وجزيتم خيرا .. والله ولي التوفيق ..
اللهم ارحمنا واسترنا واهدنا للصراط المستقيم ..

سمو الذكرى !!


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..