صادقة أمي ❤

صادقه أمي .. يوم قالت .

ياحبيبي. ..
لاتنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين


✒ⓐⓛ 🎓 ⓐⓜⓔⓔⓡ✒


صادقه أميّ .. يوم قالت ..

ياحبيبي ..
لاتفرط في صلاتك
ولايغرك حب ذاتك
حتى لو يبست لهاتك
إحرص .. تصلى جماعه
وكل ساعه
راقب الله في حياتك


✒ⓐⓛ 🎓 ⓐⓜⓔⓔⓡ✒


صادقه أمي .. يوم قالت ..

ياحبيبي. ..
لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح


✒ⓐⓛ 🎓 ⓐⓜⓔⓔⓡ✒

صادقه أمي .. يوم قالت ..

ياحبيبي.. ..
إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك

✒ⓐⓛ 🎓 ⓐⓜⓔⓔⓡ✒


صادقه أمي .. يوم قالت ..

ياحبيبي..
إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..

✒ⓐⓛ 🎓 ⓐⓜⓔⓔⓡ✒

صادقه أمي .. يوم قالت ..

ياحبيبي. ..
إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم

✒ⓐⓛ 🎓 ⓐⓜⓔⓔⓡ✒

صادقه أمي .. يوم قالت ..

ياحبيبي. ..
خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه


✒ⓐⓛ 🎓 ⓐⓜⓔⓔⓡ✒

صادقه أمي .. يوم قالت ..
ياحبيبي. ..
إحذر تصير البخيل
واحذر تبذر وتطّغى
واحذر تعيش بخساسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل


✒ⓐⓛ 🎓 ⓐⓜⓔⓔⓡ✒

صادقه أمي .. يوم قالت ..

ياحبيبي..
كل ماسويتْ فيني
أو في أبوك
بعدين تشوفه من عيالك
بر فينا تلقى بِرك
ياعسى الله لايضرك
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك


✒ⓐⓛ 🎓 ⓐⓜⓔⓔⓡ✒

صادقه أميّ.. يوم قالت ..

ياحبيبي ..
لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره

❤❤❤❤❤❤❤❤

قآلت أمـــي كيف حآلك يآ ضـنآي
قلــت حآلي نفس حآلك يآ رضاي

إن تبســـمتي غدا آلكون بيدي
وإن تكــدرتي يضـآيقني فضــآي

🌹ربي اغفر لي ولوالدي .


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..