وش بكِ؟؟؟
(عبدالعزيز الغافري)
قالت أبي مدة يدِكْ .. يا صاحبي صوب الوداع
ودي أفارق مسلككْ ... وْودي تفارق مسلكي
إرحل بدربٍ يبعدك .. عني ولو بُعدك ضياع
لالا تساءل بعدها ... لا شفت صدّي وش بكِ
سأَلْتني وش يسعدِكْ؟ .. قدّر ظروفي ثمّ راع
قربك يكدّر خاطري .. والعين عذّبها البكي
أيّامنا ما تنتسي ... والودّ لا يمكن يباع
بس القدر حكمه قوي .. بالحيل أمره مربكي
خيّرني بينَكْ أو هلي .. حطْني تحت حدّ اليراع
ما بين طيبك .. وقفتك .. والخوف يلحقهم حكي
.
.
.
يا غالية أدري ترى .. ردّي فلا له أيّ داع
دامك حزمتي للأمر .. وش فاد أحكي واشتكي
.
في مائدة قتل الوصل .. ذا الهرج ما أشبع جياع
لو قلتلك تبقي معي .. تبقي وْيدينا تشبكي؟!!
ما طيقِ للفرقى ذكِرْ ... ضاقت علي رحب الوساع
كاني أمون بْخاطرك .. لا تتركيني بْربّكِ
ما مدّ يدّي للجفا .. وْلا أرتحل صوب الوداع
وما كان هجرك غايتي .. وْلا أرتضي لْعينك بكي
في لجّةِ بْحور الزمن .. مركب أنا وانتي الشراع
لا صدّ قلبك يالغلا .... ممكن أسألك وش بكِ؟؟؟
*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..
