بسم الله الرحمن الرحيم
الشعر كلام موزون يرسم به لوحه فنيه وتكتب به قصه من افكار الكاتب ...اتمنى ان يعجبكم ما اكتب ...اترككم مع القصيده .
سود العيون اللي تنام الليل مرتاحه...ياكيف انا اللي خذته النوم من عيني
ياكيف رمشا يحارب شاهر سلاحه...أقدر أصده وقلبي يمنع ايديني
ربي عطاه الحسن والحسن مصباحه...باسباب رمشه انا نومي مجافيني
يازين كحل العين وخدود تفاحه...وحاجبه نون والوجنات تعشيني
يشهد حجابه وتشهد لفه وشاحه...وتشهد له العفه بأنه كامل الزيني
اسمه ثلاث حروف و الهاء مفتاحه...والدال ياحرف تربع بين لثنيني
والالف تقصر نهايه عقد مسباحه...ثلاث دانات تبعدني وتدنيني
عشقت منه الهمس وعشقي مزاحه...ليته على شاطى الراحه ويناجيني
ربي خلقها الشمس لمحياه سواحه...والانس والجن من حسنه مجانيني
حتى عطور الورد والعود فواحه...تنثر شذا ه العطر عبر البساتيني
كانه ربا وياي والقلب له ساحه...واسمه بدمي جاريا في شراييني
وكاني ابتليته وهو المرتاح فالواحه ...رجيتك الله من بلواي تبريني
يا طيب القلب ترى ما تعرف الراحه...وياقلب بسك تعذبني و تشجيني
شلون تسلبني من الميلاد وافراحه...وشلون يا قلبي تموتني وتحييني
الشعر ما تقشعر له الأبدان...
لو فيها قصور فمني ولو اجملت فمنه سبحانه ..
دمتم بود
