.. يسعدني طرح قصيدتي المتواضعة
ارائكم شرف لي..
قصيدة >>
مراجعه وتعديل
الحمدلله جامع الناس للناس .. وأنا اجتمعت بطيب أهل الضيافه
لي رحبوا فيني برقة واحساس .. ما حملوا هالقلب أية كلافه
في بيت(ن) جمعنا على كل الأجناس .. مستوطنين الشعر نبحر ضفافه
يا مرحبا ترحيب والشعر نوماس.. من يجهله يروح عنه حسافه
ياهل الشعر يا كاتبينه بقرطاس.. فوحوا الحروف احساس بلو جفافه
ما تمطر الأشعار بالدرب ألماس.. تمطر شعور وقلب بالنبض لافه
ولي يبا يقرأ حروفي فلا باس .. ماني وصلت الشعر كامل وصافه
اكتب واتعلم مثل ناس(ن) وناس .. ولي نقد شعري يسجل اضافه
ماني ضبطت الشعر عداد وقياس .. قلبي ليا فجر شعوره اخافه
ما غير شريان قلم يتبع احساس .. والروح صفحة صاغها من شفافه
وسلامتكم ..**
*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..
