قصيدة : "الناس أجناس"

يا هاجسي سطّر شرارات الأنفاس
وإنثر بشعري من جــــزالٍ غزيره

تروي تنوّع فالمعادن بـ هالناس
حتّى يداري كلّ رجـــلٍ نصيـــره

الغدر ملهى له بساتين واجناس
والمرجلة أفعـــال شهمٍ مثيــره

إيدٍ تناولك الجواهر والألمـــــاس
عن حالتك ما همّها لو عسيره

ما هي مثل إيدٍ تداويلك الباس
شالت همومك وإنثرتها يسيره

عينٍ تشوفك ناطرة منك الأنجاس
لا تنتظر منــــها ســوايــا كبيره

مهما تظنّها خالية ما لها يــاس
تبقى عيونٍ في نضرنا ضريـــره

وإنشد خبر عينٍ لها قدر وقياس
غضّت عن الزلات بليا نكـيـــــره

السدس عمره ما تساوى بالأخماس
والبخل دومه بالدروب الــــكسيره

إعطي ولا تغلل يدينك عن الناس
دمع الأسد ما يضاهــــي زئيـــره

من يسترك سترة خويٍّ بالإحساس
إجعل حسونه شامخه له شهيره

شخصٍ تكبّر ع البشر رافع الراس
نمسح بوجهه دربنا المستثيــــــره

ناسٍ غدّت تعشق متاهات وأحباس
ما ذلّها غير النفوس الضريـــــره

قالوا رجالٍ ما نحاتيك يــــــا بــاس
بسّ الحقيقه هم رخـــــومٍ أسيره

الرجل ما يرفع مقامه حلى لباس
ما هيبته إلا فعايل مســـــــيره

نحشم رجل إليا سمع حنّة أجراس
نادت على من هيبته فعـل خيره

من فزعته يدحض علامات نوماس
وإيده لهم تشفي نفوسٍ مريـره

خلّك ليا جاك المساكين نبـــراس
يهدي خُطاهم للدروب المنيــــره

لا تنخدع بإبتسامات الأعـــــــراس
كــشّــر لها أنيابـــك البصيــــــره

من عافنا يخرج لنا بين الأقــــواس
وأبرك لنا نتركه وأهل النكيـــــــره

نفسه لها يومٍ يجيها وتنـــــــداس
أما الشهم تبقى لنفسه ذخيــره

يا صاحبي لا تنتكس راس محتاس
وإصبر ترا في ما يصيبــــك سريره

عقب العنى لابد يطويك نسناس
يمحي همومك بالحظوظ البريره

حنّا ليا مات الرجل مات عسّاس
بقلوبنا ذكرى تجــــرّي غديـــــــره

رمز الفخر فينا مشاريه وسواس
يظهر لنا وسواسها من عبيره

يــــــــالله تجمّعنا وحنّا بلا جاس
وإفتح لنا دربٍ لمــا فيــــــه خيره

وسلاااامتكم


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..