رحيلٌ قسري ...

أدري نويتي بالرّحيل
وأدري رجوعِك
مستحيل
بس إسمعي آخر
كلامْ..
"بُعدِك" عذاب ..
تدرين ويش يعني
العذاب!
يعني ألم..
يعني جنون
يعني
حياة بلا طعم ..
يعني نهايات
الأماني
والحُلم
يعني أنين ..
يعني ضياع كل
السنين
أدري بأنِك يا حياتي
تدركين ويش
الحُلم..
هذا الحُلم اللي كبر
وحنامعه
نسقيه بوح
الأمنيات
شعر ونثر
وأجمل أناشيدِ العُمر...
ماأدري علامه ها القَدرْ
دومَهْ يوريني الألمْ
بثوب الرحيلْ
وأناصنعتْ من الأماني
المستحيلْ..
أدري بأنكْ راحلة
اخذي معكْ
كل الحروف
كل القصائدْ
اللي كتبناها سوا
واخذي معكْ
كل الوعود
واخذي العهود
اللي قطعتيها معي
ما عاد لي فيها
وطن
ولاعاد تنفعني
مع مرور الزمن
هياخذيها
دامك نويتي بالرّحيل
وأصبح وجودِك مستحيل
الله كريم ..


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..