تخيلني انا مت
يعني انتهيت
وما بقى غير فتات المشاعر
اللي تركتها في كل بيت
تخيلني بس تخيل
تخيل ينتهي صوتي من الدنيا
وتبقى صوري في هاتفك المحمول
تشوفني وين ما لفيت !
تخيلني .. ارسمني خيال في داخلك
اني مت . وخلاص ما عاد فيني التقيت !
انت بس تخيل
تخيل
وقلي مت معي ولا من دوني تهنيت !
" تخيلني أنا مت "
وش يفيدك هالسكوت
والبعد والهجر والصدود ؟!
ليه تهجر
ليه تقسى
ليش تنسى
وأنا اللي كنت ميت عليك
وأنا اللي ما اتهنى إلا اذا انت تهنيت
وأنا اللي ما أنام إلا من قبل أسمع حكاويك !
تخيلني أنا مت !
من بيسليك لحظة الملل
من يخفف عن كاهلك حمل ثقل
من يرسمك ويخط عينك بأحلى كحل
من ينسيك هموم دنيا والكسل
من يرافقك لحد باب بيتك
لجل تكون بخير وتبتهل
قلي وش تسوي من دوني أنا
لا مت أنا
وطاح من عاتقك هالأمل !
" بس أرجوك تخيلني "
إني أنا مت !
بقلم
مُهاب الهنائي
الى أحدهم ~
تم المراجعة والتعديل والتصميم بواسطة / سُمُو الذِكرَى
*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..
