قصيدة "ما بنسيان"

قالوا نسيته قلت ماني بنسيان
بس القلب يخفي سوايا حنينه

عيبٍ عليّه م افتقد خير انسان
والعيب والله يستحي من جبينه

غاب ورحل والصدر غطته الأحزان
والعين دمعت في رحيله حزينه

والحزن الأكبر موتته بين الأعيان
وإّلي يشوفه ما تفيده يدينه

نبكي ويا ليت البكى مثل الأوزان
يظبط مشاعرنا وننسى الشجينه

البعض يبكي من خيانه وهجران
والبعض يبكي من خلاة الخزينه

وأنا أقول ان البكى عند الأكفان
بالصدر أثقل من حمول السفينه

معنى الحزن ما يعرفه غير ولهان
قدام عينه صاحبه دافنينه

كنت أعتقد ان الحزن بس أحيان
وأثره يلاحقنا وشال السكينه

قالوا بصلاتك اذكره قلت منهان
ضعفي وهوني حدّ بيني وبينه

لشمس غابت والقمر موقعه بان؟
ذكراه دخلت في خفوقي سجينه

راح الذي قلبه بحسناه مزدان
والطيب منّه بالرضى دارسينه

راح وتخبّت صورته خلف قضبان
حرّاسها دمع وشجون وغبينه

راح وترك أصحاب وأحباب وأخوان
وصارت الذكرى بإسمه ثمينه

واليوم يسكن في مقابر للأبدان
والناس تسألنا عن الخلّ وينه

وفي كلّ مرة يسألوا تصرخ ألحان
ألحان حزنٍ غيّمت عالمدينه

غيمة بأمطارٍ ويتبعها وديان
وديان من شوق وألم
ذايقينه..

توقفت عند هذا البيت ولم أدري ما أقول بعده!!!!!!

تحياتي:
حسان الحوسني

وكل عام وأنتم بخير


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..