ومر عـــــــام..

ومر عام ..وريحة ثيابك ..

تعطر حجرتي في كل حين..

مثل فل وياسمين..

هو أنا اصلا نسيتك!!

أذكرك صبح ومسا ..

صيف وشتا ,,

ويوم يغلبني الحنين..

كيف بنسى من هو رباني سنين..

كيف بنسى احلى لحظات بحياتي..

ضحكتك ..بسمة شفاتك ..

ساعتك لمن تأذن.. وحنا كلنا نايمين..

آآه يا بويه فقدتك..

يا معين الصابرين..ترحمه تغفر ذنوبه ..

وحنا معه أجمعين ..

بس أريد اشوف زوله ..لو شوية لو ثواني..

راح يقتلني الانين..

ودي بس أبوس راسه ..

أدري احنا مقصرين..

ما وفيناه بحياته..دوم كنا ملتهين..

كان همنا بس دنيا..

وهو همه بس دين..

قال لي:لاتنسي أصلك ..

وارضي رب العالمين..

وهذي دنيانا..
تعلمنا دروس ونستهين..

لي متى نبقى كذا.. مستهترين..

الله وصانا عليهم ..

كل شي الا الوالدين..

كل شي الا الوالدين..


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..