موقف مضحك

موقف سامج..(مضحك)
كثير ما تمر علينا مواقف اما ان تبكينا من القلب او تضحكنا من القلب وانا دائما افضل ان اضحك من قلبي على ان ابكي لان البكاء لا يفيد على عكس الضحك فالضحك يحرك اكثر من 24 عضلة في الوجة ويجعلك ترى الدنيا بألوان السعاده.
كثيرة هي مواقفي المضحكه السامجة التي افعلها امام اهلي واصدقائي فكلما اذكر هذه اللحظات اضحك من اعماق قلبي واتذكر نفسي وانا افعلها فمثلا :
1)حبة الفول :
يوم من ايام رمضان كنت جالسه مع والدي وامي في مجلس الجيران وكما تعلمون بعد صلاة التراويح يتجمع الكل في المجلس ويتبادلون اطراف الحديث وكان على السفره صحن فول انا عندما رأيت الصحن قلت لابي : "بابا ابا حبة فول " وذهبت بنفسي واخذت ورجعت عند ابي وجلست بعدها وانا كنت اريد تناولها اخذها ابي من يدي قلت له لماذا انا اريدها وبدأت بالبكاء والصراخ وخرجت من عندهم وجاء ابي ولحقني وقال يا بنتي الفول يضرج ومب زين حقج اني فيج انيميا تعرفين شو يعني يعني اذا كلتي ها الحبة يمكن تموتين .بابا حبة وحده ما تضر وحرام اللي سويته زين جي تفشلني جدام الناس .افشلج ولا تروحي من حياتي .بابا انا خاطري فيها والله .خلاص عاد بسج دلع وعن المصاخه. نزين بروح بيتنا . الله يحفظج بنتي . ، الى الان ممنوعه من اكل الفول وكل انواع البقوليات واذا اردت اكل شي منها اكله بالخش والدس حتى لا يراني احد ويروح فيها البطل .

2)الثانية فجرا .
في شهر رمضان الماضي جاء خاطري في كوب قهوه الساعة الثانية فجرا وذهبت بنفسي الى المطبخ وقمت بععله وتركته على الفرن وذهبت نسيته وعندما رجت ابعدت الغوري (ابريق القهوه) من على النار وعندما ابعدته انفجر الفرن والفرن كان من اعلى مصنوع من الزجاج (بكمل بالعامي ما اعرف عربي) لما انفجر الفرن طار الزجاج فكل صوب المطبخ صار كله زجاج وانا الهبله لما شفت الزجاج يطير رحن وبندت النار وطلعت من المطبخ رحت حق بابا وبابا كان راقد وانا اصيح من الخاطر :بابا بابا الفرن انفجر (وانا اصيح ) ابويه في عز نومه قام شل عمره وراح المطبخ كانت ريحة المطبخ غاز والدخان يملي المكان والزجاج الله لا يوريكم كيف رجع من المطبخ وحصلني فاقده الوعي .يرشني بماي ويصفعني وانا خبر خير من الصدمه ^^ قالي قصود قومي قومي ما صار شي انتي تعورتي شي صار فيج !! كل شي يتعوض والمطبخ بنصلحه اهم شي انتي ما تعورتي .. لا بابا ما صار فيني شي .قالي عيل ليش تصيحين ومسويه ها العفسه خلاص فرن وانفجر وعدت على خير .. خلاص حصل خير ..،راح ابويه المطبخ وبطل الفرن من سلندر الغاز ونظف المطبخ من الزجاج وشدد علي الحراسه ..(ممنوع ادش المطبخ بروحي لا ليل ولا نهار ) ولما يروح الدوام يوصي اخواني علي ..احس اني بيبي توه متعلم يخطي .
وكل ما ادش المطبخ ويدش وراي ابويه يضحك ويذكرني بالحفلة اللي سويتها حقه ..^^

وانتو شو المواقف اللي سويتوها وللحين تخليكم تضحكون كل ما تذكرونها؟^^
شاركوني ضحكاتكم ومواقفكم..><


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..