قصيدة "تعال يا عمري"

ودّي أزور اليوم بيتٍ يضمّك
وأحضن ترابه لين أتعب من الضم

تعال يا عمري أذا كنت أهمّك
القلب عقب البعد خالي من الدم

من يوم شفتك ذقت من كاس سمّك
الكاس شفّك والخصر ينثر السم

شعرك يغطّيني ليا صرت يمّك
والصوت خلّا كلّ الجْروح تلتم

الوجه عقدٍ فيه عينك وفمّك
والخدّ به غمّازةٍ تقتل الهم

الشمس نورك والقمر بعض كُمّك
كلّ النجوم الساطعة فيك تهتم

كلْ يوم أقطّع صورتك ثم ألمّك
حتّى أحسّ بفرحتي تالي اللّم

ناديتك بصوتٍ لحونه تصمّك
وانت الكلام بـ نبرتك يسمع الصم

مذموم من في زينك الفذّ ذمّك
والجاهل إلّي يعذلك يلْحقه ذم

ودّي أشيل الحزن وأقتات همّك
وأشرب دموعك لين ما فرْحك يْعم

دمّي فدا لك دوم لا راق دمّك
الروح فدوة والجسد قال لك تم

ودّي أكون بيوم خالك وعمّك
أبغى أزورك دون م يْقال من هم؟

يا ليتني أسكن فــ بيتك وأضمّك
بالمختصر دونك أنا عايش بْـغم

كلمات:
حسان الحوسني


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..