مجاراة شعرية "تحدي"

مجاراة شعرية بين أبو مزن وعبدالله الكواري وحسان الحوسني ،


أبو المزن:


يالمستبيشي يعلك تدوم
عز المواتر في الطروقات
خلا التيوتا وذيك لهموم
سكراب و مسوي تفاهات
ع الخط دايم كلك عزوم
لا تحاتي تعوس و مطبات
لا من خذيته عزك بيوم
وتستانس بكل الملذات
غالي القطع و السعر معلوم
بس السعاده ماخذ وهات


عبدالله مجرن :


ي اللي على ابياتك اتحوم
بين العرب تنشر اشاعات


مدحت موتر طايح اعزوم
فوق الوعر يحرق كلاجات


فالخط دفعه طايح اعزوم
يوقف على خط الامارات


ومكيّفه براده اسموم
ما يخدمك وقت المهمات


اغنم تيوتا جعلك ادّوم
اكروزر ايقرّب مسافات


وان زادت اسعاره على السوم
يغنيك عن كل الخسارات


أبو المزن:


جاني القصيد وردي لزوم
لاهل المروه والكرامات


يا بن مجرن يعلك تدوم
شعرك مميز في العبارات


لا تنخدع في مظهر السوم
دوم التيوتا في الجراجات


اوصيك خذلك شهم لعزوم
ما ينحني وقت الصعوبات


موتر عزيز و ناجح اليوم
ما يوقفك بين الطروقات


المستبيشي يقطع حزوم
ما ردته درب الامارات


لا للمكيف يالخوي نعوم
ما يوم شفته حر لحضات


خذ الضمان من شخص زيزوم
لعيسائي يعطيلك ضمانات


حسان الحوسني:


محشوم يا النيسان محشوم
عن رفقة الكسلان هيهات


خلّ التيوتا بين لرخوم
والمستبيشي للهزيلات


خذلك فتك بيحوم بك حوم
ما يخذلك وقت الصعيبات


من شام دونه صار مهموم
يوقف على كلّ المحطّات


في قومته جرناس زيزوم
وبالخطّ متفلّت ع راحات


محشوم يا النيسان محشوم
محشوم في كلّ المديلات


عبدالله مجرن:


يا راكب اللي يشبه البوم
حديث صنع و من قديمات


معروض فالكجرات للسوم
مكسور سعره من فالكراجات


و الناس تبغي موتر ايدوم
ثابت على كل المطبات


ماهزه الشارع من ارجوم
مع المسافر له بطولات


مسكين ياللي ابقولك اتلوم
اكروزر ايقصّر مسافات


حسان الحوسني:


حيّ الكروزر ناقص السوم
إلّي رفع ذا اليوم رايات


قال التحدّي صار ملزوم
وقلت ارحبوا يا أهل الطويلات


كانك بغيت يقال "مهزوم"
رايس فتك وبكل الأوقات


وكانك تبا يطروك بعلوم
ويقال لك رجل المهمّات


امسك مع النيسان بعزوم
وحاول تسايرْه بمسافات


لكنّ احذر واطلب القوم
لسْمعْت صوته جرّ ويلات


#انتهت


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..