شوق وحنين..

عزف هالناي وحرك فالفؤاد اشواق..

حنين وغربة تاخذ من شقى سنيني..

الا ليت الزمن يرجع وتبرا اعواق..

تعبت اقلب الذكرى/ وتبكيني..

فقدتك يا سند عمري وصار فراق..

بعيد انته وروحك ساكنه فيني..

حلات( ابوي) لا ناديت م الاعماق..

وترد انته: فديتك يا نظر عيني...

ابويه مسكنه قلبي وفي الاحداق..

يا اجمل نبض يسكن في شراييني..

لقيت الصبر فغيابك ألم حراق..

تضيق الدنيا..لا حدن يواسيني..

بحسرة يزورني طيفك مع الاشراق..

واظل أطوي الكرى حلم يوديني..

ينادي صوتي المبحوح انا مشتاق..

وتهل عيوني عبراتي وتسقيني..

*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..