قصيدة " دموع أحباب" #جديد

تهلّ العين دمعات الهجرْ لأحباب...
جرفهم وادي الأعراف من عيني

شِ ذنْبهْ قلبيَ المسكين دامه ذاب؟
شِ ذنبك انْت دامك ذايبٍ فيني؟!

تصبّر يا حبيب الروح...
لا ترتاب!
ترا الأشواق...
زود الحبّ تسقيني

لو الأيّام تبعدنا.. وتغلق باب؟
أجيك بروحي وروحك تلاقيني

أحبّك...
رغْم جور الواقع الغلّاب
أحبّك....
والله ان الحبّ يحييني

أحبّك حبّ ما يحتاج ذكر أسباب
وحبّك فاض من قلبي لشراييني

خذيت الكرسي الي ضمّنا...
محراب..
ولولا خوفي أكفر...
بجْعلكْ ديني!

تذكّر...
كيف كنّا من بعض أقراب
تضيق أحميك واليا ضقت تحميني

تجيني ببسمتك؟
أضحك ولو منصاب
أجيك ببسمتي؟
بالبسمة تجيني

مجانين وجنون العشق فينا ارتاب
عجزْ يفهم غرامي عند مغليني

تذكّر؟ ....
ليش أتذكّر؟! وقلبي يهاب
ليا حنّيت يسقي الدمع... خدّيني

سريت بدربك ودرب الهوى مرقاب
اذا حاولت أرقى فيه؟! .. يرميني


أسامر طيفك وإن غاب؟!
سعدي غاب..
وأبقضي ليلي وفراقك تصليني

تعوّدنا يقال لْمن يفارق.. "شاب"
عدا ويّاك....
جا الفراق.... يرثيني!!!

#حسّان


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..