الربيان الشهي بطريقتي المعتمده من سنين

كيفكم بنات هذه اول مشاركه لي في قسم الطبخ اقدم لكم طريقه الزربيان العدني اللذيذ
تجيبي كيلو لحمه حاشي او عجل تطبخيها بالضغاط تقصي البصل وتحطي اللحمه وبهارات منوعه وتقلبي كثير مع البصل وتضيفي الماء للضغاط وتضغطي الين تنضج اللحمه وتحطيها ع جمب ... الرز تغسلينه وتغليه بالماء وتخليه ينضج نص نضجه وتصفيه من الماء وتحطيه ع جمب .... البطاط استخدمت اربع بطاط كبار قرشتهم وقطعتهم مربعات وقليتهم وبنفس زيت البطاط قليت بصل شرايح تستخدمي بصله كامله تقطعينها شرايح وتقليها ...وتخليها ع جمب ... تدقي ثومه كامله مع ملعقه كبيره وملعقه كبيره هيل وهذا سر نكهه الزربيان وممكن تخلينهم ملعقعه ونص ع حسب الكميه بعدما تدقينهم مع بعض تخليهم عجمب
نجي الان لتركيب الزربيان تجيبي دست كبيره والاحسن يكون تيفال واذا مافي تيفال مو مشكله وتقصي له بصل كامله وتحطي زيت وتشوحي البصل الين يحمر تضيفي خلطه الثوم والهيل والقرفه الي دقيتيهم ترميهل للبصل وتحركي وتجيبي البطاط المقلي واللحم وتضيفينهم لخلطه البصل وتقلبي وتعملي لهم بهارات وشويه ملح وتقلبي وتقسمي هذه الخلطه نصين بحيث اول طبقه بالدست تكون هذه الخلطه وبعدين نص الرز وبعدين بقيه الخلطه وبعدين بقيه الرز وتضيفي شويه ماء وشويه من مرقه اللحمه وتعملي شوي من الزعفران او الكركم بواجهه الرز والبصل الي قليتيه الشرايح تحطيه كمان في الواجهه وحطيه ع نار هاديه وغطيه وكل شويه اتفقدي وضيفي ماء . واخر حاجه تبخريه بفحمه ... وبالعافيه ادري طولت الشرح بس عشان الكل يفهم واذا في اي استفسار اسالوا وبرد عليكم