عالي الدووح

يا بو محمد هيظني
ورقا على لغصان وتنوح

وتطير من فن ع فني
وقت المسى في عالي الدوح

أطرى وليفي وذكرني
تميت انا جثه بلا روح

أسمع وسط صدري تدني
رعود وبروق به تلووح

مالشوق لي بي ماحنني
وإنهل دمع العين منضوح

مبعد وداره بعيد عني
بيني وبينه رمال وسيوح

جسمه جميل وعايبني
ابيض على اسمر ومملوح

يريت من لحني وأغني
طاروق شعر و صدري إيفوح

حبه لبسني لبس جني
صاير مثل مسمار في لوح

الشاعر / صالــح الحصـن الشحـي

يا مرحبا ياللي معني
بعداد ما غرد على الدوح

من طاير الورقا تغني
تلعي على لفراق وتنوح

ترحيب لك يالحصن مني
من خافي الوجدان و الروح

واللي بلن قلبك بلني
قبلك ولي ف الخافق اجروح

كم قلت من قولي وفني
كم شاحبي درب الهوى شوح

ريت الخطا يالحصن مني
تحت اجدمي في ذا الخطر توح

شوف الخلي كيف امتهني
مرتاح من شكواه و البوح

خاير وانا وياك لني
ريت الهوى ما فيه مربوح

الشاعر / راشد بن عمير الشامسي


*** منقول ***