تم دمج جميع الخلاصات في خلاصة واحدة, للاشتراك بالخلاصة: http://feeds.feedburner.com/abunawaf/all
http://filesplus.abunawaf.com/posts/...kqmAnjIGsr.jpg
سلامتِك يا سيدي وألف لا باس
طهور من قلب(ن) غلاك استحلّه
ياللي لك القرآن هادي ونبراس
والمرجله فعلك رسنها يتلّه
يا أبوي أبو متعب عسى كل الأنفاس
تفداك ياللي فزت بالطيب كلّه
الأبو غالي وانت أبو جملة الناس
يا بدرنا الكامل بعصر الأهلّه
يا سيد(ن) فوق أصعب الروس روّاس
والمجد لك عاده وفعلك محلّه
صفوة ملوك العُـرْب قطّاع الارماس
وزبن الدخيل اللي مخاويه غِـلّه
سيف(ن) مصقّل بالوغى يقّطع الرأس
ويشفي الكبود اللي رجت فزعة(ن) له
عزوة هل التوحيد بالسِّـلْم والبأس
اللي كنفهم كلهم تحت ظلّه
وعز الضعيف اللي شكا كود الاتعاس
وريف الضيوف المزنه المستهلّه
ما صَـرّ ماله في صناديق واكياس
ولا صك بابه في وجه عاني(ن) له
حلحيل ما ينحال للحلم لبّاس
والحَل لا عَـمْسَنّ الأفكار حلّه
ودخل قلوب الناس من دون مقياس
واصبح سواد عيونهم منزل(ن) له
فيا رب ياللي منك ما نعرف اليأس
تشفي حبيب الشعب من كل علّه
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..
