نساء ونساء

http://t2.gstatic.com/images?q=tbn:A...AMnd0XqlhtVDfU

( نساء ونساء)

بعض النساءْ تسعِـدْ صباحــكْ إذا قمتْ
مــتوردهْ الخــديـن تهــمــسْ تـنــاديــكْ

وتودعـــكْ للــبابْ وتدعـــو إذا رحـتْ
و(ف )عـــيونها لهـــفهْ حبيبي أنا ابيكْ

تبقى على النيرانْ لو يومْ ( م) رجِعتْ
في وقــتـك المــعـــتاد تبــقى تحــاتيـكْ

زوجـهْ وراعتْ بيت وأم الولد والبنتْ
تصــبر على ضـيمـك وتســترْ بلاويكْ

تعــزكْ على بوها وخوها و(ع) الختْ
وعــنْ أمـــها واولادها دايــم تـبـدّيـــكْ

تفـــرحْ على حــسّكْ وتحـــزنْ إذا مِتْ
وتبقى على ذكـــركْ وتنـسى مســاويكْ

وبعـض النساءْ تخفي الملامحْ إذا قمتْ
عِــلـهْ عــلى عِــلـهْ وتـلعــنْ تـوالــيــكْ

تقــلبْ عــليك البيتْ وتفـــرحْ إذا هنتْ
تفضــحْ ســتورك وبالعــذاريبْ ترميكْ

تنفثْ سمـوم الشرْ (ف ) امكْ إذا غبتْ
وتدعــي على أهـــلكْ وناسـكْ وغاليكْ

تســعـــدْ إذا ما قـــيــلْ إنــكْ تعـــذبـتْ
وتحزنْ إذا ما الخــيرْ سابَقْ خــطاويكْ

ذيبهْ وتطـــوي الشـرْ ومقصـودها أنتْ
لــولا مــلام النــاسْ دكـــتْ مـبـانـيــكْ

فــيها ســـواد القـلــبْ مــا يومْ حَـــنَّـتْ
تنشر عــلومكْ وبالمخـــازي تســاويكْ

تطـــفي نســـيم البـردْ والنـــارْ شـــبَّتْ
والبـيـت مــا ينـطاقْ والهـــمْ لافـــيــكْ

(م) حلى صفــات الي مع النور جـبّتْ
تسبق خيوط الشـــمسْ تلحــقْ تصحّيكْ

تنصــحْ بنِيةْ حُـــبْ وتخافْ إنْ نمـــتْ
ويفـــوتْ فرضــكْ والأوادمْ تعـــزّيــكْ

تبقى المحـــبةْ لكْ والمـصـــايبْ تبـدّتْ
والنـــورْ في بيـتكْ والنــاسْ تنصـــيـكْ

طبع البشرْ غــلّابْ تفرحْ إذا فـرحـــتْ
وتمـــدحْ إذا ما قــلتْ عن رأيهــمْ فـيكْ

هذي قصيدي وكـم عــن الزينات قلـتْ
جـنّةْ ونار البـيتْ تعــصي وترضــيـكْ

ابو هبة الهاشمي

*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..