اخطر اسرار البنات الصايعات

اخطر اسرار البنات الصايعات



بسم الله الرحمن الرحيم

أحب الاثارة بل أعشقها أنا وبنات خالاتي سارة ومريم وأختي نهى وفي أجازة الصيف اجتمعو خالاتي كلهم في جدة إلي في الرياض وإلي في الدمام كلهم اجتمعو في جدة أحنى معهم طبعا. كلهم اجتمعو عند وحدة من خالاتي في البيت... على فكرة أنا اسمي (غدير ). المهم جلسنا أحناقالت : يالله يا بنات جاتني فكرة مراح أحد بيسبقنى عليها فكرة رهيبه جهنمية ؟؟
أحنى : خير ايش هي هالفكرة وش هي قولي
نهى : لحظة بس وراح تشوفو ...............
وراحت برة الغرفة ورجعت ومعاها ثياب و شماغ لا وطربوش و عقال بعد
وقالت يالله يا بنات ألبسو هذي الثياب وخلينا نطلع برة شوي.
قلنالها : من جدك أنت حصلك شي باعقلك وليش هذي الثياب تبينا نطلع أوكي نطلع بالعابايات ونروح الكافتريا الي جنب البيت .
نهى : لا يا حبايبي بنروح بنلبس الثياب و نروح بالسيارة نتمشى و نفحط أنا الحمد لله من يوم ما رجعنا من مصر وأنا مية مية في السيارة يعني لا تخافو أنا أعرف أسوق مزبوط وما حد راح يلاحظ أننا بنات راح نلبس الثياب ونتلثم بالعمامة ونكون بس جالسين في السيارة نروحوأنا وبنات خالاتي عجبتنى بالفكرة مووووووووووووووووووووووووت وعلطول وافقنا بس كان كل تفكيرنا اش بيحصلنا لو شافنا أحد من أهلنا وكشفونا حنروح فيها ذيك الساعة .
المهم قمنا ولبسنا الثياب والعمامة و الله مدري كيف طلعنا المهم مشينا حالنا وبس .
ومن يوم ما نزلنا الشارع وأحنى مرتبكين نطالع يمين و شمال أول مرة نطلع الشارع من دون عابايات والمشكلة الكل يطالع فينا والله باين أننا بنات .
فقلت : خلاص خلينا نرجع تراني خايفة .
وهم ما شاء الله عليهم مدري كيف جاتهم الجرأه هذي الكل يقول لا خلاص مراح نرجع راح نروح ونتمشى زي ماخططنا وكلهم طلعو السيارة وقالو يا غدير كذا الناس حتشك وحتلفتين أنتباههم وراح يشكو فينا أتصرفي بشكل طبيعي وأمشي بجرأة وخلاص حتى لو كشفونا ما راح تطيح السماءومن يوم ما قالولي هذا الكلام خلاص حسيت أن الموضوع عايدي ما يستاهل وطلعت السيارة . طبعا نهى قدام تسوق وسارة جمبها و أنا ومريم ورى جالسين ونرتجف من الخوف وساقت نهى السيارة فينا وقاعدة تمشي عايدي و سارة تقولها فحطي وتفحط وأنا بموت من الخوف فقلت : خلاص لا المهم وقفنا عند الاشارة و جمبنا سيارة فيها شباب و يطالعون فينا و يتكلمون كأنهم شاكين فينا وقلت لنهى لو ولعت الاشارة خضراء لا تمشي أستنيهم يمشون لو راحو قدام لفي على جهة اليمين ولو راحو يمين روحي قدام أحس أنهم ناويين على شي المهم ولعت الاشارة الخضراء وهفقالت نهى : ما أعرف ضيعت الطريق. ......وأحنى مبلوهين : أيش ضيعتي الطريق كيف حنرجع البيت الحين يا ولنا ولاه من أهلنا اذا دريو ..
و بعد شوي الا والسيارة الي أول كانت جمبنا لفت السيارة وجات لي جهتنا و أحنى خلاص محنى عارفين اش نسوي و نلف يمين تلف يمين نلف شمال تلف شمال ورانا ورانا وأنا قاعدة أبكي من الخلعة ( على فكرة السيارة سيارة السواق حق خالتي طلبنى م_ن ولد خالتي الصغير يجيب المالمهم وين وصلنا ؟؟ إيوة ومالقينا حل الا أن نضيعهم من الانظار وبعدين ندور على البيت و حاولنا وبعدين دخلنا في أحد الحارات المظلمة ودخلو ورانا وأحنا خايفين ولفت نهى بالسيارة على جدار و وقفت فجئة بعد ماكانت مسرعة أنصدمت روؤسنا على المقاعد و طاحت العمامة حقوبعدين ضيعناهم عنا و قاعدين ندور البيت وما لقينا رحنا حارات ثانية أول مرة في حياتنا نشوفها .
ومر الوقت وأحنى على هذا الحال و المشكلة نسينا جوالتنا في البيت فقلنا نتصل بكبينة بس آآه ما عندنا فلوس وقاعدين في السيارة نبكي ونبكي ونسب كلنا في نهى لانها هي جابتلنا هذي الفكرة وقلنا خلاص ننزل لبقالة ولا مكتبة ولا أي شي نتصل منو على أهلنا و أحنى نازلينوهم مبلوهين مو قادرين يستوعبون الموضوع وفجاءة صرخ واحد فيهم علينا وقال طيب كلو في البيت عند الأهل .وكانو أخونا ولا أبونا يهاوش فينا ماكأنو ولد خالي . وقال أطلعو يالله بس على السيارة وطلعنا .
واثنين منهم راحو في السيارة حقتنى و أثنين طلعو في سيارتهم وأحنى وراهم جالسين والسيارة إإإه مليانة دخان وهم يخاصمون فينا و يقولو فضحتونا الله يفضحكم و احنى بنموت خوف من أنهم يقولو لأهلنا .
فقالواحد منهم : طيب حأعلم خالاتي عليكم .
فقلت : طيب علمو علينا بس إحنا راح نعلم خالي عليكم لأنكم تشربو دخان ( للمعلومية خالي يكره الدخان ويكره الي يدخن وهو شديد وصارم مرة في الامور هذي )
وبسرعة رمى السجارة بيدو من الشباك .
وقال: شوفو اذا علمتم راح أعلم عليكم .
أنا : واذا أنتم علمتم علينا إحنى راح نعلم عليكم أوكي؟
قال: أوكي مس .
وأحنى شكرنا ربنا و أنو ستر علينا ورجعنا البيت و ما نزلنا الثياب وبدلنا ملابسنا إلا وجو خالاتي وخيلاني بعد
و فتحو جلسة عائلية إنضمينا لهم و طبعا أولاد خالاتي مافي .
وفجاءة يجي خالي الشديد معصب مرة ويقول أنو السواق قاله أن ولد خالتي الصغير أخذ مفتاح السيارة ودخل البيت وبعد شوي يخرجوا من البيت أربعة شباب متلثمين ويقول السواق أنا ماعرفتهم وأخذا السيارة ومشيو
وقبل شوي رجعت السيارة وما أنتبهت لها الا الحين .
وشكو في أولاد خالاتي و أستغربو لان هم عندهم سيارة و أنا وبنات خالاتي وأختي محنى قادرين نقاوم نطالع في بعض و نضحك و يسألونا ليش تضحكو ؟
نقولهم لا ولاشي أسرار بنات .....






تحياتي: العريميه


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..