ليه الأسى والحزن يسألوني!

ليتهم يوم أقفوبك إذبحوني
ليتهم واروني الثرى ولا بك ودّعوني
ترا الموت أهون ولا إبعدوني
عن حبيبٍ يسواني والدنيا بعيوني
إبتدت رحلة العذاب مع ظنوني
وليتك يالأماني أكبر من ظنوني

الدّمع جرّح سواد المقل بعيوني


والفرح مع اللي مضى من سنوني


ليه الأسى والحزن يسألوني


ما دروا إن الفرح شيعته مغَبوني


ما دروا إن لي خلٍ حنوني


ودعوني به وليته به ما ودعوني


شدوا بك يالغالي ظعوني


خذوها الحياة وجسد إتركوني


وقلبٍ يصرخ الآه لا تخلوني


ما كنه بضلوعي كنه مسجوني


طعينٍ ينزف جراحه خلوني


عيّا الأطبة شفا ولا هم ريحوني


ألا يا سامعيني ف روحٍ عزوني


وقلبٍ خذوه وبه ودعوني

عاشق الغروب، بدر الغافري


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..