ظلم كبير في مدرسة خصب للتعليم الاساسي

بسم الله الرحمن الرحيم كتبت هذا الموضوع من كثر الظلم الي شفناه بهالمدرسه بحق المعلمات العمانيات من خارج المنطقه في جميع الامور وبخص هذاالموقف بذات الاداره المدرسيه تجبر المعلمات العمانيات من خارج المنطقه الي عددنا 5 معلمات من عدم ركوب الباص مع المعلمات الوافدات الي عددهم 5 ايضا والباص يتسع ل 30 معلمه بحجة انتوا تستلموا بدل مواصلات والوافدات ما يستلمن عرضنا عليهم ان ندفع لسائق الباص وياخذنا معاهن او تدبير باص اخر لنا وبندفع له فالاجابه " انا مالي شغل دبروا عماركم " بدل مواصلات هل تكفينا لنقل من المدرسه لسكن واقل باص يطلب 25 ريال او نوزعها لنقل من الباطنه لمسندم واقل باص يطلب 60 ريال المجموع اقل شي 85 للمواصلات فقط غير المصاريف الاخرى الي ما موضوعي عسب اتكلم فيها .. وكنت اتمنا الباص فيه عدد كبير من المعلمات كنا بنعذرهم او كنا سبب ف تأخير للمعلمات الوافدات ايضا بنبرر تصرفهن ..ادارة مدرسة خصب لا مباليه بالمعلمات وهناك تميز كبير بين المعلمات من المنطقة وخارجها اتمنين يوم واحد نطلب المساعده وما يقولولنا دبروا عماركم نحن مالنا شغل يا ناس نحن ف غربه ونحتاج للمساعده وين الانسانيه ووين الرحمه كل معلمه مغتربه تتمنا تكون المنطقه المعينه فيها بلدها الثاني..


*** منقول ***
لمتابعة أكثر خارج موقع مسندم.نت...
نرجو زيارة هذا الرابط (( بالضغط هنـــا )) ..