السلام عليكم أحبتي.....
قصيده كتبت رد على احد زملائي حيث قام بمساجلتي ببعض الابيات ...اتمنى ان تنال اعجاب قارئي العزيز..
شحي وأهلي علموني معزتك...يا من نظمت الشعر وابدعت لمثال
أسمع خلف ضلعي ونين استجابتك...البس لك الغتره او احطها عقال؟؟
ان كنت من أهل الوفا يتك طلبتك..مني ولك طيب العهد يا طيب الفال
الضيف له قدره مع أسيادي وسادتك...لان العرب يا شهم قهوات ودلال
وانا همومي هالزمن عزي وعزتك...ولا اهتم باللقمه ولا همني مال
هذا مقال ياك واتمنى سعادتك...يالي مقامك معتلي هامات وجبال
حبيبتي.. ياللي من العام صدتك...ليش الجفا والبعد حبل الجفا طال
أذكر ودادك كلما اطول مدتك...وأذكر نسيم البحر وصياح يهال
لان البحر خذ منك فعلك وردتك...ما تشوف موجه ماهدى مد و سجال
أرقب وصال منك ,,متى تهل طلتك...وأراقب النجمه على نورلهلال
ارحم عيون ساهره كم ترجتك...ما تشوف دمع الشوق يامعذبي سال
سلمت يا قارئي العزيز ...ودام لي ذوقك اللذي يدفعني قدما دائما..
تحياتي
