تبدلنا نحن أعيال
الحارة وتغيرنا
صرنا نركب موديلات
جديدة وتفشخرنا
ونلحق الموضة قبل
لا غيرنا يسبقنا
ونمشي نتمخطر
بالشوارع
كأنه ما حد بالدنيا
غيرنا
والسلام غير شكل
هاى وباى وكيفكم
صج والله
اندمرنا
والتلفونات أشكال
وألوان
شي يرن وشي يغني
والله ضاع زمانا
والقصات
أنواع شي
تايسون
وشي أمريكي
وشي نفس لحية
تيس عمنا
وبن أعيال فريحنا
الله كيف تبدلنا
كنا مستأنسين
والحين
شوف وين وصلنا
عبود يركض
وحمود يسبقه
وبرهوم وعواس
يطالعونا
وأحمدوة وجسوم
ودهم يشاركونا
كانت قلوبنا على
بعض
وكانوا الكل يحبونا
ما عشنا بحارتنا
أغراب
كانوا كلهم يعرفونا
بالفرح نكون يد وحدة
وبالحزن بعد كنا
والحين ليش تغير الزمن
اقصد ليش حنا تغيرنا
الفلوس هي السبب
وآلا أشياء نجهلها
آة يا أعيال حارتنا
كلنا للأسف تبدلنا
نسينا حارتنا
ولا عاد شي
فيها يتذكرنا
حارتنا اللي
تربينا فيها
وكبرنا
وين السكة الجديمة
وين بيت جارتنا
وين الناس الطيبين
وين جدك ووين جدتنا
وين السور المتهدم
وين العربش
يوم يهز خوصة
وين خبز التنور
وين فنرنا
كلهم انتهوا
وصاروا من الماضي
وحنا بالماضي
افتخرنا
للأسف انتهينا
للأسف انتهينا
