-
قصه شاب ترك امه ع بحر
فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون
جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت
أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا
لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير
يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه
يجي آخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب (
من يجد هذه المرأه يآخذها لدار العجزه) انصعقوا الشباب من المكتوب في الورقة وجلسوا ساعة يترجون العجوز
تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها
وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه .>>ماتدري
المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على
أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في
مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف
والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له
أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي
يآخذها. ماتت وهي بعيده عن أهلها. الله يرحمها برحمته ويدخلها من أوسع ابواب جنته.أدعوا معي آمين. أرجو من
كل من يقرأ هذه القصه أن ينشرها لتكون موعظه لكل>>عاق لوالديه
-
الله يرحمهااا
ويسلمووو ع القصه وايد حلوه ومأثره
-
-
الله يرحمها ويغفر لها ان شاء الله
بس كيف هانت عليه امه يتركها
والله ما يعرفون قدر الام
شكرآ على القصة المؤثرة
وبارك الله فيك
-
-
-
-
-
؛
لله يرحمها بواسع رحمته..
والله ما في اغلى من الام..
تسلمين عالقصه المعبره..
عسى من يتعض..
؛
-
-
سبحان الله
ربي يرحمها
كيف صارت قلوب الناس الحين
شكرا ع القصة المؤثرة
-
لا حول ولا قوة إلا بالله
كثير من هذه القصص تحدث في مجتمعاتنا حينما يتنكر الأبناء لأبائهم وأمهاتهم ويتركونهم دون رعاية وأهتمام متناسين بذلك ما أوصانا به ديننا الإسلامي بالوالدبن (وبالوالدين إحسانا) حيث سيأتي يوم يقوم أبنائهم بتركهم أيضا في ديار العجزة ويهملونهم دون رعاية
بالفعل قصة محزنة ومؤثرة بل لا أستطيع أن أتخيلها أن تحدث في مجتمعنا اللهم أرحمنا برحمتك.
شكرا عذبه المعاني على القصة
-
الفارس الملثم
يعطيك الف عافيه ع مرور
-
-
يسلمو ع مرورك طيب
يسعدني وجودك بمفكرتي
-
تسلمين على طرحج خيتوو
نترقب يديدج
وما قصرتي
