عرض للطباعة
يا مرحبا ترحيبة ترفع الراس
نفخر ونذكر في وجود النشاما
ترحيبة من قلب وشعور وإحساس
ريح النفل منها وريح الخزاما
السلام عليكم ورحمة الله وبركاته
حياكم معاي في برنامج رمضان يجمعنا
الكل تقريبا عرف عن البرنامج من حلقتي الاولى
وان شاء الله ما طولت عليكم فيها
والسموحه على التعديلات اللي صارت ..
جمهور ينتظرنا ومتحمس معانا من الحلقة الاولى
وراح اخليكم تتفاعلون وياي شوي
ابي بس كل شخص متابعنا يسجل حضوره
ويقولنا عن فطووره اليوم ؟!!!
بانتظار ردوودكم
فطورنا اليوم
هرسية دياي وثريد دياي ، طبعا لازم التمر واللبن وياه
ما شاء الله
بالعافيه.. محد يعزمنا احنى هههههه ؟!!!
افا عليج عذوووبة انتي تنورينا حياج يالغلا
احنا نقوم وانتي تيلسين وعيونا لج
تسلممين الغاليه
هذا من ططيبج
بسير اتمشى شكله الضيف بيتأخر
سي يو ليتر
بما ان محد اليوم من الاعضاء
فدقائق ونستقبل ضيفناا
ويييييييييييييييين الضيف بسرعة
والحين نفس ما وعدتكم
وياي ضيف وراح نتعرف عليه مع بعض
امممم هي ضيفه مب ضيف
من الإدارة التنفيذيه، واليوم حابين نتعرف عليها أكثر من حيث جدولها في رمضان
وفي شي ماا ذكرته ف الحلقة الاولى .. اني راح اطرح في بعض المرات موضوع على الضيف ليحدثنا عنه
معانا اليوم ضيفه عزيزة وغاليه ونعرفها جميعا باسم
دمعة احساس
يا مرحبا فيج ويانا بالبرنامج ومنوورة الجميع
اولا :السلام عليكم ورحمه الله وبركاته .. كل عام وانتم بخير ومبارك عليكم الشهر الفضيل ..
ثانيآ : لج كل الشكر والتقدير عزيزتي عذب ع الاستضافة الحلوووة
حابين نتعرف عليج اكثر ف لو عندج إضافه على دمعة احساس
وحابه تخبرينا فيها ؟!
ما شاء الله مرت ايام من شهر رمضان بسرعه وأكثر الناس مشغولين احنى الحريم
فكيف اجواء رمضان معاج هذه السنه .. وهل فيه تغيير عن قبل ؟!
كلمينا شوي عن فطورج لليوم ؟!!
لكل شخص جدول يسويه بعد صلاة التراويح .. حابين نعرف دمعة احساس بهذا الوقت شو جدولها ؟!
والحين معانا موضوع ولج حرية التحدث فيه
يقال ان المتشائم هو من يرى إلا النصف الفارغ من الكأس
اما المتفائل هو من ينظر إلى النصف الممتلئ منه
نبي نسمع رايج بهذا الخصوص او موقف صار معاج عن التشائم والتفائل ؟!
ما باقي شي على وقت البرنامج..ف النهايه كلمة حابه تقولينها ؟
حابين نتعرف عليج اكثر ف لو عندج إضافه على دمعة احساس
وحابه تخبرينا فيها ؟!
دمعة انسانة بسيطة طموحة تحب العلم مثابرة .. خريجة دبلوم اعمل في وظيفة مرتاحة فيها واايد لله الحمد والمنة اعيش مع اسرتي الحلوووة اللي احبهم ،، اممم وش بعد احب السفر لدي صديقات لله الحمد من كل مكان وهذا فضل ربي على .
ما شاء الله مرت ايام من شهر رمضان بسرعه وأكثر الناس مشغولين احنى الحريم
فكيف اجواء رمضان معاج هذه السنه .. وهل فيه تغيير عن قبل ؟!
رمضان له طعم خاص .. رمضان ضيف خفيف أيامه تمر بسرعة اليوم اليوم السابع ماشاء الله.. وقتي ف رمضان مقسم ما بين الشغل في المكتب ف الصباح وبعد الدوام قيلولة مال ساعة ساعتين لين وقت صلاة العصر .. بعد العصر مطبخ لين المغرب يتخلل هذة الأوقات ما بين قراءة وذكر وتسبيح ..
نعم تغير رمضان عن اول اول كان احلى والان حلو بعد بس لكل زمان طعم ووقت.. اول كنا نتسابق من يروح بيت الجيران من ياخذ لهم صحن الفطور .. نسهر .. نلعب .. نشوف مسلسلات كنا.. الان ما اشوف مسلسلات . قبل ما كنا نسهر ع النت ومسندم نت ف رمضان الان نصبح ونمسى عليه .ههههه
كلمينا شوي عن فطورج لليوم ؟!!
فطورنا اليوم ربي يسلمج عذوووبة .. شوربة شوفان .. خبز .. عرسية مع الصلصة الخاصة ابها .. صالونة ربيان ..كريم كراميل وجلي .. فواكة (شمام +حج + عنب) خلني اتذكر وش بعد هيه لبن وعصير ومعكرونة .. سمبوسة وباكورة ورطب.. مهلبية .. الخ
لكل شخص جدول يسويه بعد صلاة التراويح .. حابين نعرف دمعة احساس بهذا الوقت شو جدولها ؟!
دمعة جدولها مب ثابت متغير ما احب أتقيد بشي ..كل يوم شي ع حسب الظروف ..بس أغلبية الأوقات يشمل :
· زيارة قريب
- قراءة قران
- جلسة ع النت
- دردشة مع ربيعاتي ع الواتساب
- زيارة مريض
- اجلس مع اهلي
- اجلس اكل يمي يمي هههههه
والحين معانا موضوع ولج حرية التحدث فيه
يقال ان المتشائم هو من يرى إلا النصف الفارغ من الكأس
اما المتفائل هو من ينظر إلى النصف الممتلئ منه
نبي نسمع رايج بهذا الخصوص او موقف صار معاج عن التشائم والتفائل ؟!
التفاؤل والتشائم كلمتان عكس بعض .. التفاءل هو ان تعيش حياتك وانت تري الهدف البعيد ترى الجانب المظلم والحسن معآ
التشائم تري الجانب السيئ المظلم بكل شي .. لماذا التشائم وقد قال رسول الله ..
عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ليسَ ذلكَ لأَحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ) رواهُ مُسْلِمٌ)
انا إنسانة متفائلة لأبعد الحدود .. التفاؤل من حسن ظن المسلم بربه .. وكان حبيبنا سيدي رسول الله كان متفائل ولا يحب الطيرة وهي التشائم .
ما باقي شي على وقت البرنامج. . ف النهايه كلمة حابه تقولينها ؟!!
اود ان اشكرج اختي الغالية عذب ع الموضوع الطيب .. ولي الشرف ان اكون اول من يكون ف برنامجج ..
كل الشكر لمسندم نت من اعضاء .. مشاهدين .. ادارة .. الخ
وكل عام وانتم بخير وتقبل الله منا ومنكم صيامنا وصلاتنا ..
ربي اغفر لي ولجميع المسلمين الاحياء والاموات اللهم امين .
ياهلا بمذيعتنا عذب المعاني رفعي صوت السماعات شوي فيه شوشه بالصوت
وياا هلا وغلا دموووعة
نورتي نورتي البرنامج
ضيفة عزيزة علينا جميعا
ويلا شدي الهمة نبي نعرف جدولج برمضاااان
يا هلا فيج ويا مرحبا اختنا نسمه
ممكن بس تخفضين على صووت التلفزيون عشان تسمعينا عدل
للاسف انقطع الاتصال !!!
وغلابج نسمة .. جدولي ذكرته فوق الغالية ..اقتباس:
المشاركة الأصلية كتبت بواسطة نسمة
اووه حركات دمعة ههه
استضافة حلوة
..
ماشي اتصال ع البرنامج؟
ابي اسألها كم سؤال
عشت الجو هههه
اختنا دمعة احساس تبين تستقبلين اتصالات
وتردين على اسألتهم
والا نكتفي بهذا القدر من الاسئله ،!!!
اووه حركات دمعة ههه
استضافة حلوة
..
ماشي اتصال ع البرنامج؟
ابي اسألها كم سؤال
عشت الجو هههه
الوووو حوووول نسمة .. :MonTaseR_144:
تسلمي عذب .. مشكورة الغالية
تفضلي نسمة قولي اللي ف خاطرج الغاليةاقتباس:
المشاركة الأصلية كتبت بواسطة نسمة
معانا اتصال من نسمة
تفضلي اختي معاج
عادي عذب نستقبل كل الاتصالات
شو سالفة الاتصالات اليوم !!
تفضوا جمهورنا اللي حاب يسأل ضفتنا
نسمة وينج ؟؟:MonTaseR_34:
هههه الشبكة تعبانة
الو
السلام عليكم اختي عذب
اهلا وسهلا دمعة احساس
.سؤالي
تتسحري؟وشو نوع فطورج؟
والسموحة طولت عليكم
جمهورنا
معااكم اقل عن 15 دقيقه وراح ينتهي وقت البرنامج
وعليج السلام ورحمة الله وبركاته
مسموحه اختي نسمه ويا مرحبا فيج
وياج المايك دمعة احساس
وعليكم السلام هلا نسمة .. هيه اتسحر الحمدلله ع السريع .. فطوري كل شي احبه اكله عادي مب شي محدد بس اول شي لازم لبن ورطب :MonTaseR_148:اقتباس:
المشاركة الأصلية كتبت بواسطة نسمة
المايك معج عذووبة
مشكورة على الاتصال اخت نسمة
تم الرد على اسئلتج
معانا اتصال ثاني ونقوول الوو !
الوووو .. مرحبا بكل الاتصالات .. تعرفي اختي عذب الشبكة مووول تعبانة معنا ..
ما عليج مسيطرين على الوضع
وما باقي على وقت البرنامج شي
وكيف رمضان معج انتي عذب ؟؟
ما يستوي الضيف يسأل المذيع هههههه
لكن برد عليج
الحمدلله رمضان ها السنه وايد مستمتعه فيه ويا اهلي
واحاول استغل اغلب الوقت
نشكرج على تلبيتج لإستضافتنا .. واستانسنا وياج بالسوالف
مر الوقت وما حسينا .. وسامحونا على لقصوور
دردشة ترا .. هههههه
لي الشرف عذب ع الاستضافة الحلوة .. الحمدلله كان برنامج خفيف وكنت اتمنى الكل من الاعضاء يشارك بس يمكن لانه الحلقة الاولى .. ولكن اسعدني تواجد المشاهدين الحمدلله كان اكثر من 50 مشاهد حضر البرنامج .. لكم كل الشكر والتقدير .. ورمضان يجمعنا
ما شاء الله عليج تاخذين دوري ودووورج هههههه
الشرف لنا بحضورج ونورتينا خيتوو
وكل الشكر لمتابعينا .. وحياكم الله ف الحلقة القادمة من البرناامج
اللي راح تكون بعد 3 ايام
وسؤال الحلقه راح انزله على وقت السحوور الساعه 3 هني ف الموضوع
نستقبل الان تعاليقاتكم على الحلقة
الموضوع مغلق كيف نستقبل السؤال ؟
البرنامج انتهى
ولكن نستقبل تعليقاتكم على الحلقه
وتم تغيير خطة طرح السؤال وهي :
راح اطرح السؤال هني
واستقبل اجابتكم على الرسائل الخاصه
تماااااااااامووو
لازم الساعة 3 ما يستوي قبل ؟؟؟؟؟
أنا عن نفسي عادي ارقد خخخخخخخخخ